हिमालयखवर संवाददाता-
अमेरिका- नेपाली जनसम्पर्क समिति अमेरिका भित्र महाधिवेशन प्रतिनिधि छनौटमा विवादले नाम सार्वजनिक हुन सकेको छैन । गोप्य रुपमा केही नामहरु तय भएपनि नेतृत्वले नाम सार्वजनिक नगरेको हो ।
नेपाली कांग्रेसको भातृ संगठन जनसम्पर्क समितिले ७ जना महाधिवेशन प्रतिनिधि चयन गर्न पाउंछ । यसका लागि फोन मार्फत सल्लाहकार र पदाधिकारीसंग वार्ता गरिएको थियो ।
गोप्य राखिए पनि आनन्द विष्ट, वेद खरेल, विष्णु सुवेदी, प्रमोद सिटौला, विद्यासागर योञ्जन, धर्म श्रेष्ठ र एक जना महिलामा माया कठायत पौडेल महाधिवेशन प्रतिनिधि लगभग चयन गरिएको छ । विष्ट, योञ्जन, श्रेष्ठ देउवा पक्षधर भनेर चिनिएका हुन् । कार्यवाहक सभापति रामचन्द्र पौडेलले जनसम्पर्क समितिका अध्यक्ष विष्टलाई टेलिफोन गरी आफु निकट व्यक्तिलाई सिफारिस गरेपनि परेनन् । महाधिवेशन निकट आएकाले छनौट भएका महाधिवेशन प्रतिनिधिलाई केही दिन अघि देखिनै हवाई टिकट लगायत नेपाल जानका लागि तयारी गर्न गोप्य रुपमा भनिएको थियो । श्रेष्ठ सहमतिका लागि अझै तयार गरेको वताईएको छ ।
जनसम्पर्क सिमिति भित्रै विधान अनुसार महाधिवेशन प्रतिनिधि छनौट नगरिएको विवाद पनि उठेको छ । समितिकै उपाध्यक्ष लगायत पदाधिकारीले अपारदर्शीरुपमा कांग्रेस पार्टीको नियम विपरित महाधिवेशन प्रतिनिधि छनौट गरेको आरोप लगाएका छन् ।
प्रतिक्रिया