लस एन्जलस (अमेरिका) – नेपाली समुदाय र नेपालस्थित आमा फाउण्डेसनको संयुक्त सकृयतामा गोरखामा निर्माण पुरा भएको श्री सिद्धकाली उच्च माध्यमिक विद्यालय आउँदो साता उद्घघाटन हुने भएको छ ।
झण्डै २० हजार अमेरिकी डलरको लागतमा उक्त विद्यालयको पुनः निर्माण पुरा भएको हो । गत वर्षको भुकम्पमा परि भवन ध्वँस्त भएपछि अमेरिकामा रहेका नेपालीहरुको सकृयतामा सहयोग संकलन गरि निर्माण गरिएको हो ।
एफ. वान. ग्रुप .का संयोजक विश्व सुवेदीका अनुसार ५ कोठाको उक्त विद्यालय भवनको पुरा निर्माणका लागि झण्डै २० लाख रुपैयाँ लाग्ने भएको छ । यसको लागि भर्खरै आमा फाउण्डेसनले पाँच हजार अमेरिकी डलर सहयोग गरेको छ । गत वर्ष लस एन्जसलमा ‘बेनिफिट नेपाल मेगा इभेन्ट’ आयोजना गरेर ६ हजार डलर संकलन गरिएको थियो । लस एन्जलस सेरोफेरोमा पर्ने रिभर साइडबाट पनि उक्त विद्यालय भवनको निर्माणार्थ तीनहजार चारसय डलर सहयोग संकलन गरिएको थियो ।
यो विद्यालय भवनको पुनः निर्माणका लागि एफ.वान. ग्रुप .लसएन्जलसले मुख्य संयोजन गरेको छ । स्थानीय संयोजनको जिम्मा भने गोरखाको ओसियन क्लब र युवा क्लब भीमाद ले गरिरहेको छ ।
विद्यालयको उद्घघाटन नेपाल प्रहरीका चर्चित वरिष्ठ प्रहरी उपरिक्षक रमेश खरेललाई निमन्त्रणा गरिएको एफ. वान. ग्रुपका संयोजक सुवेदी ले जानकारी दिएका छन् ।
यही फेब्रुअरी १९ तारिखमा उद्घघाटन कार्यक्रम तय गरिएको छ । उक्त कार्यक्रमका लागि मिस नेपाल क्यालिफोर्निया अनुषा कार्की, कलाकार निमा रुम्बा, आस्था भण्डारी, मलिना जोशी लगायत उपस्थित हुने जनाइएको छ ।
प्रतिक्रिया