हिमालयखवर संवाददाता, काठमाडौँ-

सवै भन्दा ठुलो पार्टी नेपाली कांग्रेसको महाधिवेशन र महासमिति सस्दय प्रतिनिधिमा अत्याधिक मतका साथ हरिबोल भण्डारी निर्वाचित भएका छन् । युवा नेता भण्डारी काठमाडौ क्षेत्र नं ३ वाट महाधिवेशन छानिएका हुन् । शुक्रवार भएको क्षेत्रीय अधिवेशनमा महाधिवेशन प्रतिनिधिका लागि निर्वाचन भएको थियो । यसमा सवैभन्दा वढी मत भण्डारीले पाएका थिए । उनी संगै विमल ठकुरी, दिपक रिसाल, कृष्णजी खड्का, गोविन्द पुडासैनी, विष्णुदेवी पुडासैनी, लता घिमिरे, राजु सुनुवार र गजेन्द्र लामा पनि महाधिवेशन प्रतिनिधिमा निर्वाचित भएका छन् । 

विद्यार्थी काल देखिनै सकृय भण्डारी जनसम्पर्क समिति अमेरिकाका केन्द्रिय सदश्य पनि हुन् । क्षेत्रको राजनीतिमा भण्डारी लामो अघि देखि सकृय थिए। अमेरिका वसेर फर्किएकी मृदुला कोइरालापनि मोरगं क्षेत्र नं ५ वाट महाधिवेशन प्रतिनिधि चयन भएकी छन् । कोइराला पार्टी सभापति सुशील कोइरालाको सहयोगीका रुपमा कार्य गरीरहेकी छन् । अमेरिकावाट व्यवसाय छाडेर मृदुला नेपाली फर्किएकी थिइन् । पुरानो सत्तारुढ पार्टी नेपाली कांग्रेसको महाधिवेशन आउने फागुन तेस्रो साता काठमाडौमा हुदैं छ ।

 

अमेरिकामा एक साता भित्र महाधिवेशन प्रतिनिधि छानिने

अमेरिकावाट आउने एक साता भित्र महाधिवेशन प्रतिनिधि छनौट गरीने भएको छ । जनसम्पर्क समिति अमेरिकाका अध्यक्ष आनन्द विष्टले हिमालय खवरलाई उक्त जानकारी दिएका हुन् ।  सभापति विष्टका अनुसार अमेरिकाबाट कांग्रेस महाधिवेशनमा सातजना सहभागी हुँदैछन्। एक साताभित्र प्रतिनिधिको टुंगो लाग्नेछ,' उनले भने। छनौटका लागि सभापतिको अध्यक्षतामा पाँच सदस्यिय समिति गठन हुँदैछ।

 

यसपटकको महाधिवेशनमा कांग्रेसको शूभेच्छुक संगठनका रुपमा १७ देशमा रहेका जनसम्पर्क समितिले प्रतिनिधित्व गराउँदैछन्।  नेपाली कांग्रेसको विधानमा पाँचसयभन्दा बढी कृयाशील सदस्य रहेका जनसम्पर्क समितिबाट सातजना महाधिवेशन प्रतिनिधि सहभागी हुने व्यबस्था छ। त्यस मध्य ३ जना महासमिति सस्दय हुन्छन् I उता भारतलाई भने दुई देश मानेर १४ जना सहभागि हुँदैछन्। अहिलेसम्म संसारका ३४ देशमा नेपाली कांग्रेसको शूभेच्छुक संगठन जनसम्पर्क समिति गठन भइसकेको छ।

 

१३ औं महाधिवेशनको लागि महाधिवेशन प्रतिनिधि चयन गर्न शुक्रवार अपरान्ह देखि जुटेको नेपाली कांग्रेसको अहिलेसम्म आएको परिणाम भने यस्तो छ ।