खेम भट्टचन, वासिङ्टन डिसी I
अमेरिकाका लागी नेपाली राजदूत ड़ा० अर्जुन कुमार कार्कीको प्रयासमा भूकम्प पीडितलाई पठाइएको ५० टन राहतको सामाग्री नेपाल पुगेको छ l त्रिपालमा बसेका भूकम्प पीडित नेपाली फेरी हिमपातको जाडोको मारमा परेकाले,जाडोमा लगाउने न्यानो लुगा र कम्मल अमेरिका देखी पठाइएको हो l पचास टन न्यानो लुगा र कम्मल बोकेर अमेरिका देखी नै चार्टर जहाज नेपाल पुगेको हो l ५० टन राहतका सामाग्री बोकेको चार्टर जहाजलाई राजदूत ड़ा. कार्कीले गत: हप्ता अमेरिकाको नर्थ क्यारोलिनाको डग्लस् अन्तर्राष्ट्रिय विमानस्थलबाट बिदाइ गरेका थिए l
अमेरिका देखी गएको चार्टर जहाज नेपालको त्रिभुवन अन्तर्राष्ट्रिय विमानस्थलमा पुगेपछी काठमाडौँबाट नेपाली सेनाको हेलिकप्टरले राहतका सामाग्री सगरमाथाको तल हेलम्बु पुर्यायो l सेतो हिउँले पुरिएका गाउँहरू मध्येको अति गरिब बस्ती यार्षा गाउँका भूकम्प पीडित हजारौँ नेपालीलाई अमेरिकाको कम्मल, ज्याकेट, जुत्ता, मोजा, ऊनको टोपी,पन्जा/ग्लोब र जाडोमा लगाउने अन्य न्यानो लुगाहरु भएको एक एक बोरा लुगा सबैलाई वितरण गरियो l
हेलिकप्टर ऊत्रनु अघि देखी नै हजारौँ भूकम्प पीडित लामबद्ध भएर बसेका थिए र सबैले एक एक बोरा लुगा पाएपछी – निलो रङको स्लिपिङ्ग ब्याग जस्तै पछाडि बोक्न मिल्ने बनाइएको राहतका बोरा बोकेर खुसी हुँदै हजारौँ नेपालीहरू हेलीकप्टर बसेको डाँडाबाट आ-आफ्नो घर (त्रिपाल) तर्फ लागेका थिए l
हिमपातले दुख: पाएका भूकम्प पीडित नेपालीलाई न्यानो लुगा वितरण गर्न अमेरिका देखी नै राहतको सामाग्री बोकेर गएका अमेरिकन गोराहरूलाई प्रीति घिमिरे नाम गरेका नेपाली महिलाले अमेरिकनहरुले बोलेको अङ्ग्रेजीलाई नेपाली भाषामा र नेपालीले बोलेको नेपालीलाई गोराहरुलाई अङ्ग्रेजीमा अनुवाद गर्ने गरेकी थिइन् l यसरी, राहतको सामाग्री नेपाल पठाउने सहयोगी संस्था थियो अमेरिकाको नर्थ क्यारोलिना हेड क्वार्टर भएको अन्तर्राष्ट्रिय च्यारिटी संस्था सामारीटन्स पर्स l
संसारभरि आपत् बिपत पर्दा १०० भन्दा बढी मुलुकमा यस्तो मानवीय सहयोग गरिसकेको दयालु संस्था सामारीटन्स पर्स का प्रेसिडेन्ट फ्र्यांकलिन ग्य्राहम र अमेरिकाका लागी महामहिम नेपाली राजदूत ड़ा. अर्जुन कुमार कार्की दुवै जनालाई अमेरिकाबासी नेपालीहरूको तर्फबाट बिआरटी नेपाल डट कम परिवार हार्दिक आभार व्यक्त गर्दछ lफोटो साभार: नेपाली दूतावास-वासिङ्टन डिसी र समिरिटन्स डट ओआरजी
प्रतिक्रिया