हिमालय खबर संबाददाता I
नेपाली कांग्रेस पार्टी सभापतिमा रामचन्द्र पौडेलका लागि सहयोग जुटाउन गोफाण्डमी मार्फत आव्हान गरिएको छ । कांग्रेस उपसभापति पौडेलले आउने फागुनको तेस्रो साता हुने महाधिवेशनमा पार्टी सभापतिमा उम्मेदवारी दिने घोषणा गरेका छन् । सभापति वन्ने अभियानमा सहभागी बनौ भन्ने आव्हान सहित गो फण्ड मार्फत सहयोग आव्हान गरिएको हो ।
आर्थिक सहयोगका लागि खोलिएको गोफण्डमीमा तपाईको सानो रकमले सहयोग पुग्छ भन्ने उल्लेख गर्दै पौडेलका वारेमा विस्तृत विवरण दिईएको हो । विहिवार सांझसम्म उक्त फण्डमा १ सय ५५ पाउण्ड स्टलिगं जम्मा भएको देखिन्छ । सहयोग रकम प्रचार प्रसारका लागि यातायात, प्रचार प्रसारमा खर्च गरिने उल्लेख छ ।
उक्त गोफण्डको लिंक विभिन्न स्थानमा पठाईएको छ । पौडल निकट स्रोतले आर्थिक परादर्शीयता वढाउन सक्यो भने जिम्मेवार नेतृत्व विकास हुन सक्छ भन्ने सोचले सार्वजनिक रुपमा यस्तो आव्हान गरिएको हिमालयखवरलाई बताए ।
देश विदेशमा वस्नेको सा सानो सहयोगले पनि ठुलो मद्दत पुग्ने उनले वताए । सहयोग दिन चाहनेले डेविट वा क्रेडिट कार्ड मार्फत गोफण्डमीमा गएर सहयोग दिन सक्छन् । उक्त गोफण्डमीमा राजनीति भनेको प्रतिस्पर्धा हो, नेतृत्वका लागि मैदानमा उत्रिने हो अव म पछि हट्ने ठाउं छैन हट्दिन भन्ने पौडलेको भनाई राखिएको छ ।
यस पटक महाधिवेशनमा पौडलले सभापतिमा उम्मेदवारी दिने घोषणा सहित देश व्यापी प्रचार प्रसारमा छन् । वर्तमान सभापति सुशील कोइराला पुन उठ्ने वा नउठ्ने प्रष्ट छैन । तर, कांग्रेस वरिष्ठ नेता शेरवहादुर देउवाले भने सभापतिमा लड्ने तयारी गरिरहेका छन् ।
यसपटक निर्वाचन लड्ने र जितेरै छाड्ने पौडेल निकट स्रोतले जनाएको छ ।
प्रतिक्रिया