वीरगन्ज, ३० पुस । वीरगन्ज नाकास्थित धर्नास्थलमा आन्दोलनकारी बस्ने छाडेका छन् । बुधबार ६ जना देखिएका थिए । चारजना त्रिपालमा र दुई साधु मधेसी मोर्चाको ब्यानरमुनि आगो तापिरहेका थिए ।
आवागमन अबरुद्ध पार्न मूल सडकमा तेस्र्याइएका बाँसमुनिबाट पैदल यात्रु, साइकल र मोटरसाइकलमा ओहोदोहोर गरिरहेका छन् ।
छठ पर्वयता धर्नामा बस्ने आन्दोलनकारीको संख्या न्यून बनेको छ। तर रक्सौल भन्सारका कर्मचारीले सीमा अबरुद्ध रहेकाले मालवाहक सवारी साधन पठाउन नसकिएको बताउँदै आएका छन् । तिनै कर्मचारीले खुद्रा सामान भने निर्बाध आउन दिइरहेका छन् ।
संविधान र प्रदलेश सीमाकंनप्रति असन्तुष्टि राख्दै मधेस केन्द्रीत दलहरुले काठमाडौंको दानापानी ठप्प पार्ने भन्दै थालेको सीमानाका धर्ना फिर्ता भएको छैन ।
तर वीरगन्ज रक्सौलबाहेक सबै नाका सुचारु भइसकेका छन् । मुलुकको कुल आयातको ७० प्रतिशतभन्दा बढी हिस्सा ओगट्ने वीरगन्ज नाका अझै ठप्प छ ।
प्रतिक्रिया