चितवन, ३० पुस । उद्योग वाणिज्य संघ चितवनको अध्यक्षमा राजन गौतम विजयी भएका छन् । गौतमले ९८१ मत ल्याएर विजयी भएका हुन् । उनका प्रतिद्वन्द्वी सहनलाल प्रधानले ७३७ मत ल्याएका थिए ।
त्यस्तै, वरिष्ठ उपाध्यक्षमा राजु श्रेष्ठ ९०२ मत ल्याएर विजयी भएका छन् । उनका प्रतिद्वन्द्वी ऋषिप्रसाद लामिछानेले ७७९ मत ल्याएका थिए । यस्तै, वाणिज्यतर्फको उपाध्यक्षमा प्रधान प्यानलका चुननारायण श्रेष्ठ विजयी भएका छन् ।
निर्वाचन सचिवालयले दिएको जानकारीअनुसार श्रेष्ठ ९७६ मत ल्याएर विजयी भएका हुन् । श्रेष्ठका प्रतिद्वन्द्वी गौतम प्यानलका भोजराज कौडेलले ६६२ मत ल्याएका छन् ।
त्यस्तै, संघको वस्तुगत उपाध्यक्षमा राजन गौतम प्यानलका विष्णुप्रसाद कँडेल विजयी भएका छन् । कँडेलले ९७० मत ल्याएका थिए भने उनका प्रतिस्पर्धी प्रधान प्यानलका बद्री अधिकारीले ७०७ मत ल्याएका थिए ।
त्यस्तै, उद्योगतर्फको उपाध्यक्षमा पनि प्रधान प्यानलका सुमनकुमर श्रेष्ठ विजयी भएका छन् । श्रेष्ठले ९९८ मत ल्याएका छन् । उनका प्रतिस्पर्धी गौतम प्यानलका पुष्पनिधी लोहनीले ६९३ मत ल्याएका थिए ।
उद्योग तर्फको सदस्यहरुमा प्रधान प्यानलका नवीन कँडेल ९११९५०, बालकृष्ण कँडेल ९११५१०, शंकर नेपाल ९११४१०, सिद्धार्थलाल चुके ९१०१७०, रोहितकुमार श्रेष्ठ ९८७९० र प्रशान्तकुमार पिया ९८७७० विजयी भएका छन् ।
यस्तै वाणिज्य तर्फको सदस्यहरुमा पनि प्रधान प्यानलकै बालकृष्ण कँडेल ९११७७०, विपेन्द्र रामुदामु ९११५२०, राजेन्द्र ओली ९१०९१०, रविन्द्र केसी ९९९७०, बाबुराम कँडेल ९९७२० र गौतम प्यानलकी मुना गुरुङ ९९५९० विजयी भएका हुन् । वस्तुगत तर्फ डासीराम ढकाल,लोकबहादुर रानाभाट,बलराम भण्डारी र थिरप्रसाद धिताल९कृष्ण० विजयी भएका छन् ।
२९ जना कार्यसमिति पदका लागि भएको निर्वाचनमा प्रधान प्यानलका ४ जना यसअघि नै निर्विरोध निर्वाचित भएका थिए । महिला सदस्य रजनी मास्के, क्षेत्रीय संगठिततर्फ उद्योग वाणिज्य संघ मुग्लिनका अध्यक्ष कल्याण गुभाजु र कर्पोरेटतर्फका उम्मेदवारहरु पुष्प शर्मा र ऋषिराम पौडेल निर्विरोध चयन भएका छन् ।
निवर्तमान अध्यक्षसहित पदाधिकारी ६ जना, उद्योगतर्फ ६ जना, वाणिज्यतर्फ ६ जना, वस्तुगत ४ जना, कर्पोरेट २ जना, महिला सदस्य १ जना, क्षेत्रीय संगठित १ जना र मनोनित ३ गरी कुल २९ जनाको कार्यसमिति रहनेछ । निर्वाचित हुने ५ जना पदाधिकारीका लागि १० जनाको उम्मेदवारी परेको थियो ।
प्रतिक्रिया