.jpg?fit=%2C&ssl=1)
चितवन, ११ पुस । भूकम्प प्रभावितले १७ प्रकारका भूकम्प प्रतिरोधी घर बनाउन सक्ने भएका छन् । २ तलेभन्दा अग्लो घर बनाउन पाइने छैन । ढुंगा वा इँटामा माटो प्रयोग गरी बनाइने घर एक तलाभन्दा अग्लो बनाउन पाइने छैन ।
अलग्गै नक्सा पास गर्नुपर्ने झन्झट हटाइएको छ । प्रभावितले आफ्नो इच्छाअनुसार नमुना घरको डिजाइन छानेर नाम र ठेगाना लेखी दर्ता गराउन सक्नेछन् ।
घर भत्किएको ८ महिनापछि सरकारले नमुना घर सार्वजनिक गरेको हो । सरकारले नमुना घरको नक्सा नदिँदा र घर बनाउनका लागि बजेटको समेत व्यवस्था नगर्दा अहिले भूकम्प प्रभावितहरु चिसो मौसममा दिनरात कटाउन बाध्य छन् । चिसोका कारण महिला र बालबालिका बढी समस्यामा परेका छन् ।
सहरी विकास मन्त्रालयले राष्ट्रिय भवन संहिताअनुसार नमुना सूचि तयार पारेको हो । भूकम्प प्रभावित जिल्लाका लागि सरकारले नमुना तयार पारेको हो । सरकारले भूकम्प प्रभावित अन्य जिल्लामा नमूना घरको नक्सा पठाए पनि चितवनमा नक्सा आएको छैन ।
चितवनका पहाडी भूगोलमा भूकम्पले पूर्ण क्षति पु¥याएको छ । झण्डै ४ हजारसँग रातो कार्ड रहेको छ । ‘हाम्रो जिल्लाको लागि भनेर तोकेर नक्सा पठाउने र अन्य निर्देशनका काम भएका छैनन्, सहरी विकास तथा भवन निर्माण कार्यालय भरतपुरका प्रमुख इन्जिनियर सुनिल ठाकुरले भने, ‘यहाँका भूकम्प प्रभावितले पनि नमुनाअनुसार घर बनाउन सक्नेछन् ।
सोही सूचिबाट छनोट गरेर भूकम्प प्रभावितले नयाँ घरका लागि ढुंगा माटो, ढुंगा सिमेन्ट, इँटा माटो र इँटा सिमेन्ट गरी चार पद्दति अपनाइ घर बनाउन सक्नेछन् । १७ मध्ये ८ नमूना ढुंगा र सिमेन्टको छन् भने ७ वटा इँटा र सिमेन्ट प्रयोग गर्न मिल्ने छ । ढुंगा माटो र इँटा माटोका एकएक नमुना रहेका छन् ।
ढुंगा वा इँटामा माटो प्रयोग गरी बनाइने घर एक तलाभन्दा अग्लो बनाउन नपाइने भवन संहिताअनुसार नमुना सूचि तयार पारेको हो ।
सोही सूचिबाट छनोट गरेर भूकम्प प्रभावितले नयाँ घरका लागि ढुंगा माटो, ढुंगा सिमेन्ट, इँटा माटो र इँटा सिमेन्ट गरी चार पद्दति अपनाइ घर बनाउन सक्नेछन् । १७ मध्ये ८ नमूना ढुंगा र सिमेन्टको छन् भने ७ वटा इटा र सिमेन्ट प्रयोग गर्न मिल्ने छ । ढुंगा माटो र इँटा माटोका एक÷एक नमूना रहेका छन् ।
नमुना सूचिमा जग्गा, घरको आकार, जग, गारो, र झ्याल ढोकाबारे उल्लेख छ । भुइँको लम्बाइ साँढे चार मिटरभन्दा बढी राख्न नपाइने नियम छ । गारोको उचाइ पनि तीन मिटरभन्दा बढी राख्न पाइने छैन । चौडाइको तीन गुणाभन्दा कम लम्बाइको भवन निर्माण गर्नुपर्नेछ ।
प्रतिक्रिया