काठमाडौँ, १७ मङ्सिर । मधेसी मोर्चाका कार्यकर्ताले आज सर्लाहीको नवपुर नजिक राष्ट्रिय मानवअधिकार आयोगको गाडी तोडफोड गरी जलाउनुका साथै गाडीमा रहेका आयोगका कर्मचारीलाई दुव्र्यवहार गरेका छन् ।
सर्लाहीमा आज एकै ठाउँमा मधेसी मोर्चा र चुरेभावरको कार्यक्रम भएकाले त्यसमा हुने सम्भावित मानवअधिकार हननका घटनाबारे अनुगमन गर्न गएको टोलीमाथि मोर्चाका कार्यकर्ताले कुटपिट गर्नुका साथै उनीहरु चढेको बा ७ च ७४७६ नंको गाडीसमेत तोडफोड गरी आगो लगाएर पुर्णरुपमा क्षति पु¥याएको टोली संयोजक नितु गर्तौलाले जानकारी दिनुभयो ।
घरेलु हातहतियारसहित आएका मोर्चाका कार्यकर्ताले “हामी मानवअधिकार सधिकार केही पनि जान्दैनौ” भन्दै गाडी तोडफोड र आगजनी गरेको र त्यसबाट आफनो क्यामरालगायत कागजपत्र जलेर नष्ट भएको साथै टोलीमा सहभागी इन्दिरा श्रेष्ठ, भीवा ढुङ्गानालगायतलाई चोट लागेको उहाँले राससलाई बताउनुभयो । रासस
प्रतिक्रिया