काठमाडौँ, १७ मङ्सिर । छ वर्षअघि ललितपुरमा तीन वर्षीया बालिकाको सामूहिक बलात्कारपछि हत्या भएको घटनामा संलग्न अभियुक्तलाई प्रहरीले मङ्गलबार पक्राउ गरी सार्वजनिक गरेको छ ।
केन्द्रीय अनुसन्धान ब्युरो महाराजगन्जको टोलीले घटनामा संलग्न ललितपुर उपमहानगरपालिका–९ च्यासलका २२ वर्षीय सौगात व्यञ्जनकारलाई सार्वजनिक गरेको हो ।
अनुसन्धानबाट सो घटनामा संलग्नमध्ये सन्दीप व्यञ्जनकारको एक वर्ष पहिले नै मृत्यु भएको खुल्न आएको छ । पक्राउ गरिएका सौगातमाथि ललितपुर जिल्ला अदालतबाट अनुमति लिई थप अनुसन्धान भइरहेको छ । विसं २०६६ भदौ ८ गते भक्तपुर नगरपालिकाकी बालिकालाई बलात्कार गरी हत्या गरिएको अनुसन्धान ब्युरोको भनाइ छ । रासस
प्रतिक्रिया