मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

नेपाल   

भूकम्प गएको आठ महिनापछि परिचयपत्र वितरण

भूकम्प गएको आठ महिनापछि परिचयपत्र वितरण


खोटाङ, १६ मङ्सिर । भूकम्प गएको आठ महिनापछि जिल्लाको उत्तरी गाविस खार्मीका भूकम्पपीडितका लागि परिचयपत्र वितरण गरिएको छ ।

गत वैशाख १२ र २९ गते गएको भूकम्पले पूर्णरूपमा भत्किएका र पुनः मर्मत गरे पनि बस्न नमिल्ने अवस्थाका ९३ घरलाई ‘क’ श्रेणीको परिचयपत्र वितरण गरिएको गाविस सचिव चित्रप्रसाद सुवेदीले बताउनुभयो । “आंशिक क्षति पुगेका घर धेरै छन्”–उहाँले भन्नुभयो, “प्राथमिकताका आधारमा बाँकी रहेकालाई पनि वितरण गरिनेछ ।”

भूकम्पका कारण जिल्लाका ६ हजार १६७ घर पूर्ण क्षति र १२ हजार घरमा आंशिक क्षति पुगेको छ । जिल्ला दैवीप्रकोप उद्धार समितिले भूकम्पपीडितलाई आवास कर्जालगायत अन्य सहयोग प्रदान गर्न परिचयपत्र वितरणमा ढिलाइ गर्न नहुने भन्दै तत्काल वितरण गर्न निर्देशन दिएको छ ।

समितिका संयोजक तथा प्रमुख जिल्ला अधिकारी रुद्रप्रसाद खड्काका अनुसार हालसम्म दिक्तेल नगरपालिका र खार्मीबाहेक अन्य सात गाविसमा मात्र परिचयपत्र वितरण गरिएको छ । रासस