काठमाडौं । नयाँ शक्ति निर्माण अभियानमा जुटेका पूर्व प्रधानमन्त्री डाबाबुराम भट्टराई समर्थक पूर्व माओवादी नेताहरुको भेला अहिले भइरहेको छ ।

चाबहिलको एक पार्टी प्यालेसमा भेला सुरु भएको छ । भेलाको सभापतित्व रामचन्द्र झाले गरेका छन् भने भट्टराईले ताली बजाएर उद्घाटन गरेका छन् । नयाँ शक्ति निर्माणमा भट्टराईलाई शुभकामना दिन विभिन्न व्यक्तिहरु पुगेका छन् ।

संघीय समाजवादी फोरम नेपालका अध्यक्ष उपेन्द्र यादव र कांग्रेस नेता प्रदिप गिरी पनि अतिथिका रुपमा छन् । पद्मरत्न तुलाधर, खगेन्द्र संग्रौला, पूर्व सचिव प्रविण मिश्र, चैतन्य सुब्बा, अशोक शर्मा, रविभक्त श्रेष्ठलगायत पनि भट्टराईलाई नयाँ शक्ति निर्माणका लागि शुभकामना दिन उपस्थित भएका छन् ।

सांसद छाया शर्मा, गोपाल दहित, रामकुमारी राई, डा।राजेन्द्र केसी, केशव दाहाललगायत कार्यक्रममा सहभागी छन् ।