काठमाडौँ । प्रधानमन्त्री केपी शर्मा ओलीले मुलुकको विद्यमान समस्या चाँडै समाधान हुने बताउनुभएको छ ।
नेपाल क्रान्तिकारी युवा सङ्घ र नेपाल क्रान्तिकारी विद्यार्थी सङ्घको आज सिंहदरबारमा संयुक्त ज्ञापनपत्र बुझ्दै उहाँले सीमा क्षेत्रमा देखिएका समस्या समाधानका लागि कूटनीतिक प्रयास जारी रहेको बताउनुभयो ।
प्रधानमन्त्री ओलीले आफूहरुले भारतसँग सम्बन्ध बिगार्न नचाहेको तर कुनै पनि दबाब, प्रभावमा नझुक्ने बताउनुभएको युवा सङ्घका अध्यक्ष उकेश कवांले भन्नुभयो ।
आठबुँदे सो ज्ञापनपत्रमा भारतको अघोषित नाकाबन्दीविरुद्ध नेपाल सरकारको अडानलाई थप दृढतापूर्वक निरन्तरता दिई कुनै पनि अवस्थामा नेपालको सार्वभौमिकता र स्वतन्त्रतामा झुक्न नहुने, नाकाबन्दीका कारण चुलिएको कालाबजारी र भ्रष्टाचारको तत्काल नियन्त्रण गरी उत्तरी नाका खुलाउनका लागि चाँडो पहल गर्नुपर्नेलगायत रहेका छन् । रासस
प्रतिक्रिया