.jpg?fit=%2C&ssl=1)
पर्वत जिल्ला बेहुलिबास गाविस – २, डाडाथोक घर भएका २८ बर्षिय अशोक थापाको मलेशियामा निधन भएको छ । मलेसिया जोहरवारुको पेकानान्सको सिमान कम्पनिमा कार्यरत थापाको नोभेम्बर १ तारीक राति सुतिरहेको बेला खाटबाट खसेर निधन भएको जनाईएको छ। थापा कामको शिलशिलामा २ बर्ष अगाडी मलेसिया पुगेका थिए । पर्वतको हुवास गाविस हातेमालो चोकमा होटल खोलि व्यवसाय गर्दै आएका थापा होटल बन्द गरी मलेसीया गएका थिए ।
थापाको एक छोरा एक छोरी र श्रिमति छन । हाल उनीहरु घरमा बाबा आमा र भाइबहिनि संगै बस्दै आएका छन । थापाको शवलाई मलेसियाको जोहरवारु स्थित सोल्टन अस्पतालमा राखीएको छ भने केही दिनमै पोस्टमार्टम गरी घर पठाउने तयारी भैरहेको मलेसीयाबाट रमेश भुर्तेलले बताउनु भएको छ । थापाको निधनले परिवार सहित सिंगो गॉउनै शोकमय बनेको छ।
प्रतिक्रिया