काठमाडौं, १९ कार्तिक – नेपाल र चीनबीच बिहीबार ११ बुँदे सम्झौता पत्रमा हस्ताक्षर हुँदैछ । नेपाल र चीनबीच विभिन्न नाकाको व्यापारिक मार्गमा सहजता, नेपाली बस्तुमा भन्सार छुट दिने चिनियाँ निर्णयको कार्यान्वय लगायत ११ वुँदे सहमतिमा औपचारिक हस्ताक्षर हुन लागेको हो ।

तातोपानी र केरुङ नाकाबाहेक मुस्ताङ, हुम्लाको यारिङ, संखुवासभाको किमाथाङका, ताप्लेजुङको ओलाङचुङगोला, गोरखाको लार्के, दोलखाको लामाबगर, र मुगु नाकामा ब्यापारिक मार्ग सहज बनाउने सहमति भएसँगै दुई राष्ट्रका भन्सार अधिकारीबीच सहमती पत्रमा हस्तार हुन लागेको हो ।

राजधानी अपरान्ह ५ वजे सहमतिपत्रमा भन्सार विभागका उपमहानिर्देशक तथा नेपाली बार्ताटोली संयोजक दामोदर रेग्मी र ल्हासा भन्सारका उपमहानिर्देशक लोङ चुङ वोईले हस्ताक्षर गर्ने छन् ।