सनातन धार्मिक तथा साँस्कृतिक सेवा समाज बफेल्लो द्वारा यहि १७ अक्टोवर २०१५ मा २८६ लाफियट एभिन्यू बफेल्लो न्यूयोर्क १४२१३ मा एक धार्मिक एवं साँस्कृतिक कार्यक्रम भब्यरूपले सुसम्पन्न गरेको छ । प्राप्त सुचना अनुसार, बफेल्लो न्यू योर्कमा बस्नुहुने माहानुभावहरू र स्थानीय शहरहरूबाट उपस्थितहरूले क्रार्यक्रम स्थल खचाखच भरीएको थियो ।
आयोजकहरूका अनुसार कार्यक्रम दुई चरणामा बाँडिएको थियो । पहिलो चरणमा नवदुर्गाको उपलक्ष्यमा दुर्गा पुजा एवं दशैंकै उपलक्ष्यमा शुभकामना आदानप्रदान कार्यक्रम रहेको थियो । पहिलो चरणको कार्यक्रम अनुसार नै नौ दुर्गाको रूपमा नौ कन्यहरूलाई सम्मान समेत गरीएको थियो । त्यहि चरणमा प्रख्यात पं. श्री हेम धिताल र पुरोहित श्री टिका अधिकारीको मुखरविन्दबाट सप्तसति परायण तथा समाजका धरोहर एवं जिउँदो इतिहासकारूपमा समाजमा रहनुहुने सम्पुर्ण ८० वर्ष र सो भन्दा माथिल्लो उमेरका बृद्ध-बृद्धाहरूलाई समेत आयोजक समितिले सम्मान गरेको थियो ।
त्यसै गरी कार्यक्रमको दोश्रो चरणमा साँस्कृतिक कार्यक्रम रहेको कार्यक्रम आयोजक संस्थाका सचिव श्री होम हुमागाँईले जानकारी दिनुभयो। भुटानी समाजका स्थानीय कलाकारहरूको कार्यक्रममा उल्लेख्य उपस्थिती रहेको थियो । ओहायो, पेन्सिलभेनीया र न्यूयोर्कबाट पनि उल्लेख्यरूपमा कलाकारहरू र स्थानीयहरूको उपस्थित रहेको थियो । कार्यक्रममा सबै उमेरका मानिसहरूको उल्लेख्यरूपमा उपस्थित रहेको थियो । कार्यक्रम सुश्री अनिता शर्मा र संस्थाका साँस्कृतिक संयोजक श्री गणेश रेग्मि ज्यूले सन्चालन गर्नु भएको थियो ।
कार्यक्रमको सभापतित्व संस्थाका अध्याक्ष श्री दुर्गा हुमागाँईले गर्नुभएको थियो भने लिगल एड बाट लिसा स्ट्रेन्ड मुख्य अतिथीमा रहनु भएको थियो । कार्यक्रममा स्थानीय संघ साँस्थाका प्रतिनिधिको पनि उल्लेख्यरूपमा उपस्थित रहेको थियो ।
प्रतिक्रिया