मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

नेपाल   

सभामुखमा ओनसरीलाई उम्मेदवार बनाउने एमाओवादी निर्णय

सभामुखमा ओनसरीलाई उम्मेदवार बनाउने एमाओवादी निर्णय


काठमाडौँ । एकीकृत नेकपा (माओवादी) ले सभामुखमा निवर्तमान उपसभामुख ओनसरी घर्तीलाई उम्मेदवार बनाउने भएको छ ।

एमाओवादी अध्यक्ष पुष्पकमल दाहालको निवास लाजिम्पाटमा आज बसेको स्थायी समितिको बैठकले सभामुखमा घर्तीलाई उम्मेदवार बनाउने निर्णय गरेको हो ।

अध्यक्ष दाहालका प्रमुख स्वकीय सचिव चुडामणि खड्काका अनुसार एमाओवादीले पाएका मन्त्रीको चयन गर्ने जिम्मा भने बैठकले अध्यक्ष दाहाललाई नै दिएको छ ।

बैठकमा उपप्रधानमन्त्री एवम् गृह मन्त्रालयको जिम्मा महासचिव कृष्णबहादुर महरालाई दिने विषयमा छलफल भएपनि अन्तिम निर्णय भने भइसकेको छैन । यस्तै, पार्टी सचिव एवम् संसदीय दलका उपनेता टोपबहादुर रायमाझी, स्थायी समिति सदस्यहरू अग्निप्रसाद सापकोटा, शक्ति बस्नेतलगायत नेता पनि मन्त्री बन्ने निश्चित जस्तै भएको छ ।

यसअघि एमाओवादीका तर्फबाट कोषाध्यक्ष हरिबोल गजुरेलले कृषि विकास मन्त्रालयको जिम्मेवारी सम्हाली सक्नुभएको छ । रासस