चितवन । भारतले असोज ६ गतेदखि नेपालमा लगाएको नाकाबन्दीको चौतर्फी विरोध भैरहेको छ । यसै बेलामा नेपालका विभिन्न संगठनमा संलग्न युवाहरु पनि यसको खुलेर विरोध गर्ने निर्णय गरेका छन् ।
तीन दिनभित्र भारतले नाकाबन्दी नखुलाए भारतीय प्रधानमन्त्री नरेन्द्र मोदीको एक लाख पुत्ला जलाउने युवाहरुले जनाएका छन् ।
चितवनको भरतपुरमा बसेको युवा नेताहरुको बैठकले यस्तो निर्णय गरेको अगुवा मध्येका एक सदस्य दिनेश कोइरालाले जानकारी दिए ।
कोइरालाले भने–“भारतले नेपाललाई गरेको नाकाबन्दी अन्तराष्ट्रिय पारवान सन्धिविपरीत छ, जसको आम नेपाली युवाले खुलेर बिरोध गर्ने छन ।” अर्का सदस्य केसब पाठकले यो विरोधको कार्यक्रम देशका विभिन्न ठाउँमा संचालन हुने र यसलाई हजारौँ युवाहरुले समर्थन गर्ने जनाए ।
बैठकमा उतम जोशी, सुदिप अधिकारी, अरुणेश्वर खनाललगायतका युवा नेताहरुको सहभागिता रहेको थियो ।
प्रतिक्रिया