अमेरिकामा अन्तर्राष्ट्रिय कलाकार मञ्च, अमेरिका र अन्तर्राष्ट्रिय नेपाली साहित्य समाज, वाशिंटन डिसी मेट्रोको संयुक्त आयोजना, रातै रातै भएर सारी ब्लाउज, पोते, तिलहरी र श्रीँगार सहित आएका अमेरिकाबासी दिदी बहिनी आमा र भाउजुहरु, मग मग बसाउँदै थियो दिदी बहिनीले छरेको अत्तर, भर्जिनियाको मनासस सहरमा रहेको Splashdown Water Park, दाजुभाइ पनि के कम कम्मर मर्काउँदै, दिदी बहिनीसँग जोडको तोड गर्दै तिजका गीतमा नाच्न मस्त देखिन्थे ।
अमेरिकामा हाल सम्म भएका तिज कार्यक्रम मध्येकै भव्य र रमाइलो भन्दै मज्जा लिँदै थिए दर्शक । प्रमुख अतिथि डा. जूडी र दुवै संस्थाका अध्यक्ष रहनुभएका आयोजक खनालले संयुक्त तिजको गीतमा नाचेर तिज महोत्सव उद्घाटन गर्नुभएको थियो भने निर्णयकहरु र अन्य सहभागीले वहाँहरुलाई साथ दिएका थिए । करिब ५ घण्टा लगातार नाचेर तिज महोत्सव मनाए नेपाली चेलीबेटी र दाजुभाइ सम्म सबैले । कोही हतार हतार नाच्दै म त काममा जानुछ भन्दै निस्किँदै थिए त कोही म त भर्खर काम सकेर आएको ढिला भएँ माफ पाउँ है भन्दै दर खाँदै र नाच्दै थिए । आउने जाने क्रम चलिरह्यो साँझ सम्म । पटलक गरी ल्याइएका विभिन्न परिकारका मज्जा बेग्लै थिए । उद्घोसक उपाध्यक्ष भूपनारायण घर्ति मगर, सचिव परशु तिमल्सिनाहरु दर खान सबैलाई आमन्त्रित गर्दै र पाहुनाको सत्कार मा खट्दै थिए भने पुस्पा घिमिरे, शुभद्रा पराजुली, मन कुमारी थापा, बिमला निरौला, राम अधिकारी, लगायतका आयोजक सदस्यहरू र थुप्रै अरू सहयोगी हातहरुलाई तिजको दर व्यवस्थापन, नाचगानको व्यवस्थापनमा फुर्सद थिएन ।
अमेरिकन भएर पनि नेपाली महिला पोशाकमा सजिएर आएकी तीज महोत्सवकी प्रमुख अतिथि समाजसेबी डा. जुडी फ्रेडिक्सनले आफूलाई तिज कार्यक्रम अत्यन्त मन पर्ने भन्दै आफू यहाँ तिज महोत्सव मनाउन आएको बताउनुभयो ।
अन्तर्राष्ट्रिय कलाकार मञ्च, अमेरिका र अन्तर्राष्ट्रिय नेपाली साहित्य समाज, वाशिंटन डिसीका अध्यक्ष बरिस्थ लोक तथा दोहोरी गायक रामप्रसाद खनालले अमेरिकामा अन्तर्राष्ट्रिय कलाकार मञ्च, अमेरिका र अन्तर्राष्ट्रिय नेपाली साहित्य समाज, वाशिंटन डिसी मेट्रो दुवैले संयुक्त रूपमा आयोजना गरेको यो कार्यक्रम महत्वपूर्ण हुने बताउँदै सबै टिम मेम्बर, उपस्थित दर्शक तथा सहयोगी सबैलाई धन्यवाद र आभार प्रकट गर्नुभयो ।
तिजको महत्वका विषयमा समाजसेबी चेतन सिटौला, उपाध्यक्ष भुपनारायण घर्ति मगरले प्रकाश पार्नुभएको थियो भने आगन्तुकलाई स्वागत बिमला निरौलाले गर्नुभएको थियो । चलचित्र नायिका,प्रसिद्ध कोरियोग्राफर अनुपमा प्रसाईं, चलचित्र क्षेत्रका नायक नायिकाहरुका गुरु कोरियोग्राफर नवीन केसी, नाच क्षेत्रकी लोकप्रिय कलाकार लुना श्रेष्ठलाई वहाँहरुले आ आफ्नो क्षेत्रबाट गर्नुभएको योगदानका लागि अन्तर्राष्ट्रिय कलाकार मञ्च, अमेरिका र अन्तर्राष्ट्रिय नेपाली साहित्य समाज, वाशिंटन डिसीका अध्यक्ष रामप्रसाद खनालले तिनै जनालाई दुवै संस्थाका तर्फबाट सम्मान पत्र प्रदान गर्नुभएको थियो भने वहाँहरु तिनै जनाले निर्णायकका रूपमा तीज महोत्सवका प्रथम द्वितिय र त्रितिय क्रमश: सीमा रेग्मी, दुर्गा अधिकारी केसी, कृतिसा कुँवरको छनौट गरी पुरस्कारका लागि घोषणा गर्नुभए पछि अध्यक्ष खनालले वहाँहरुलाई पुरस्कार स्वरूप पदक प्रदान गर्नुभएको थियो । महिला हरुमा नेपाली पोशाक तर्फ अत्तर छेत्री, पुरुष तर्फ चेतन सिटौला, कार्यक्रममा सबैभन्दा बढी सक्रिय भै योगदान दिनुहुने भुपनारायण घर्ति मगरलाई आयोजक संस्थाका तर्फबाट सम्मान स्वरूप पदक प्रदान गर्नुभएको थियो ।
प्रतिक्रिया