कोलोराडो, अमेरिका–कोलोराडोमा नेपालीहरूको भाषा, संस्कृतिको संरक्षणार्थ सक्रिय नेपालीहरूको साझा संस्था नेपालीघरको पाचौं साधारण सभा अक्टोबर १० शनिवारका दिन हुने भएको छ । संस्थाको अगष्ट ७ का दिन सम्पन्न कार्यसमितीको बैठकले पाचौं वार्षिक साधारण सभा गर्ने निर्णय गरेको हो । संस्थामा हाल साधारण तथा आजिवन सदस्य गरी जम्मा २ सय ७ रहेको बताउदै अध्यक्ष योगराज गौतमले सबै सदस्यहरूलाई इमेल मार्फत जानाकारी पठाई सकिएको र कुनै कारणवस इमेल प्राप्त नभए यसैलाई आधार मानी सहभागी हुन आग्रह गरेका छन् ।
साधारण सभामा गत वर्ष भए गरेका क्रियाकलापको समीक्षा, आर्थिक प्रतिवेदन प्रस्तुत र विशेष गरी संस्थाको भावी कार्यदिशा तयार गरिने बताउदै गौतमले अव चाडै नै साधारण सभा हुने स्थान र समय तोकी पुःन सबै सदस्यहरूलाई इमेल गरिने बताएका छन् । नेपालीहरूको भेषभुषा, भाषा संस्कृति, रिती स्थिति चाल चलन सबै झल्कने एक नेपाली घरको निर्माणार्थ क्रियाशील यस संस्थाले आफ्नो संस्कृति संरक्षणको लागी बेला बेलामा विभिन्न सास्कृतिक कार्यक्रमहरूको आयोजना गर्दै आएको छ ।
प्रतिक्रिया