नेपालगञ्ज । कोहलपुर-नेपालगञ्ज सडकखण्डको पिप्रहवामा आन्दोलनकारीले ढुंगा हान्दा मोटरसाइकल दुर्घटना भएको छ ।

 

दुर्घटनामा मोटरसाइकल चालकको मृत्यु भएको छ भने अर्का एक घाइते भएका छन् ।

 

कोहलपुरबाट नेपालगञ्जतर्फ आइरहेको मे ५ प ४२५० नम्बरको मोटरसाइकल पिपराहमा आइपुग्दा आन्दोलनकारीले ढुंगा हानेका छन् । ढुंगा लागेर मोटरसाइकल दुर्घटना हुँदा चालक २२ वर्षका करण सिंहको मृत्यु भएको छ ।

 

दुर्घटनामा उनका भाइ विनोद साही घाइते भएका छन् । उनको नेपालगञ्ज मेडिकल कलेज कोहलपुरमा उपचार भइरहेको प्रहरीले जनाएको छ ।