बुटवल (खस्यौली) । प्रहरी अनुशासन र आचरणविपरीत काम गर्ने सात प्रहरीविरुद्ध इलाका प्रहरी कार्यालय बुटवलले अनुशासनको कारबाही सुरू गरेको छ ।
अरुलाई अनुशासन र आचरणको पाठ सिकाउने प्रहरी आफैँ आचरणविपरीत काम गर्न नहुने भन्दै प्रहरी युनिटभित्रै शुद्धीकरणको अभियान सुरू गरेको प्रहरी नायब उपरीक्षक महेन्द्र खड्काले जानकारी गराए ।
आफ्नो युनिट इलाका प्रहरी कार्यालय तथा मातहतका कार्यालयमा कार्यरत प्रहरीलाई अनुशासन र आचरणमा रहेर काम गर्न पनि उनले आग्रह गरे । प्रहरी आचरण र अनुशासनमा रहेर काम नगर्ने प्रहरीलाई कारबाहीको दायरामा ल्याउने उनले बताए ।
बुटवलमा क्रियाशील पत्रकारसँग भेटघाट तथा परिचयात्मक कार्यक्रममा पत्रकारले बुटवटको शान्ति सुरक्षा, यहाँको लागुऔषध कारोबारको बढ्दो समस्या, सो कार्यालयको सूचना प्रणाली चुस्त बनाउन सुझाव दिएका थिए । रासस
प्रतिक्रिया