कलात (अफगानिस्तान) । अफगानिस्तानको दक्षिणी प्रान्त जाबुलमा बिहीबार भएको एक सैनिक विमान दुर्घटनामा १७ व्यक्तिको मृत्यु भएको समाचार छ । अफगानिस्तानको राजधानी काबुलबाट ३४० किलोमिटर दक्षिणमा पर्ने जाबुल प्रान्तको कलातमा सो दुर्घटना भएको जर्नेल अब्दुल रजेक सिर्जाईले बताउनुभएको छ । 

 

स्थानीय समयानुसार बिहीबार ९ः३० बजे सो दुर्घटना भएको प्राप्त समाचारमा जनाइएको छ । सो विमानमा १२ जना सैनिक र पाँचजना चालक दलका सदस्य रहेको बताइएको छ ।

विमान दुर्घटनाका कारण अनुसन्धानरत रहेको जनाइएको छ । रासस/सिन्ह्वा