न्यूयोर्क– संयुक्त राष्ट्रसङ्घीय सुरक्षा परिषद्ले आतङ्कवादी संगठन बोको हरामका विरुद्धमा लड्न विश्व समुदायसँग आग्रह गरेको छ ।
उक्त परिषदले यसका विश्वका सदस्य राष्ट्रहरुलाई बोको हरामका विरुद्धमा लड्नका लागि सहयोग र सहमतिका लागि आग्रह गरेको हो ।
नाइजेरियाली उक्त आतङ्ककारी संगठनले हालैका दिनमा नागरिक हत्याको शृङ्खला नै चलाएको छ । विश्व आतङ्ककारी संगठन अल कायदासँग यसको पनि सम्बन्ध रहेको छ ।
उक्त परिषद्ले यस आतङ्ककारी संगठनका विरुद्धमा लड्नका लागि विश्वका सबै राष्ट्रहरुसँग आग्रह गर्दै आतङ्कवाद विरुद्धको सङ्घर्षमा एकताबद्ध हुन पनि आह्वान गरेको हो ।
यसका साथै उक्त परिषदले अफ्रिकी देशहरुमा आतङ्कवादको नियन्त्रणका साथै त्यहाँका गरिब र अभावमा बाँचिरहेका नागरिकलाई पनि सहयोगका लागि विदेशी दाता राष्ट्र एवम् निकायलाई पनि आग्रह गरेको छ । रासससिन्ह्वा
प्रतिक्रिया