काठमाडौ, २५ असार– आगामि भदौमा हुने भनिएको नेपाली कांग्रेसको १३ औं महाधिवेशन असोजमा हुने भएको छ ।
महाधिवेशन असोज २, ३, ४ र ५ गते काठमाडौंमा हुनेछ । यसअघि भदौ २४ देखी २८ सम्म महाधिवेशन हुने भनिएको थियो । शुक्रबार संविधानसभा भवनमा बसेको कांग्रेस केन्द्रीय समितिको बैठकले गाउँ, नगर, जिल्ला देखि केन्द्रीय महाधिवेशनको मिति सारेको हो ।
केन्द्रीय सदस्य धनराज गुरुङ्गका अनुसार नयाँ तालिकामा भाद्र १ गते गाउँ र नगर, ७ गते निर्वाचन क्षेत्र, १० गते जिल्ला अधिवेशन हुने छ । यसअघि गाउँ, नगरको अधिवेशन साउन १४, क्षेत्रीय अधिवेशन साउन २२ र जिल्ला अधिवेशन साउन २६ गते हुने गरी तालिका तोकिएको थियो ।
कांग्रेसका ७५ जिल्ला कार्यसमितिले नै तोकिएको मितिमा अधिवेशन गर्न नसकिने भन्दै केन्द्रलाई पत्राचार गरेपछि महाधिवेशन सारिएको हो।
शुक्रबार बसेको कांग्रेस केन्द्रिय समितिको बैठकले महाधिवेशन सार्ने निर्णय गरेको हो।
प्रतिक्रिया