नवलपरासी । नवलपरासीको देवचुली नगरपालिका ४ परानपुरमा आफ्नै मामालाई भान्जाले हत्या गरेका छन् । कुखराको विषयमा विवाद हुँदा ३५ वर्षका भान्जा गुनवहादुर आलेले करिब ५५/६० वर्षका मामा तेजबहादुर पुलामीलाई सोमबार बिहान साढे ८ बजेतिरको कैचीले प्रहार गर्दा गम्भीर घाईते भएका थिए ।
घाइते पुलामीको उचारको क्रममा दुम्कौली प्राथमिक स्वास्थ्य केन्द्रमा मृत्यु भएको ईलाका प्रहरी कार्यालय नवलपुरका प्रहरी नायव उपरीक्षक पर्शुराम तिवारीले जानकारी दिए । यस्तै आक्रमणमा परी मृतकका ३२ वर्षका छोरा मनबहादुर पुलामी पनि घाइते भएको छन् । उनको भरतपुर अस्पतालमा उपचार भैरहेको छ ।
घटनापछि तत्कालै प्रहरी घटनास्थलमा पुगी भान्जा आलेलाई नियन्त्रण लिएको र घटनाका बारेमा अनुसन्धान सुरु गरेको प्रहरी नायव उपरीक्षक तिवारीले बताए ।
प्रतिक्रिया