चितवन । ‘सम्झेर बसेँ, म सम्झेर बसेँ, मेरो आँसु पुछ्ने कसले’ यो बोलको गीत नगुन्गुनाउने युवाहरु कमै होलान् । चितवनका पप गीतका पारखीले अझै पनि यो गीतलाई भुल्न सकेका छैनन् । न त भुल्न सक्छन् यस्तो कर्णप्रिय गीत गाउने गायकलाई नै ।
युवामात्र होइन, संगीतका पारखीका लागि मोहनी नै लगाउने माधूर्य गीतका गायक हुन् चितवन रत्ननगर–२ का सरोज कुमार श्रेष्ठ । उनी राम्रा गायकमात्रै होइनन्, चितवनमा औँलामा गनिनेमध्येका एक हुन् । सानैदेखि गीतसंगीतमा रुचि राख्ने सरोजले दुर्इ दसक अघिदेखि सांगीतिक यात्रा सुरु गरेका हुन् ।
रत्ननगर–२, हाइस्कुलरोडका स्थानीय बासिन्दासमेत रहेका उनले यो गीत गाउन सुरु गर्दा चितवनका मै हुँ भनिने गायकहरुले संगीतको कखरा पनि सुरु गरेका थिएनन् भन्दा पनि हुन्छ ।
गितारमा पोख्त मानिने सरोजले गीतमात्रै गाएनन्, आफ्ना समकालीन साथीहरुलाई संगीत क्षेत्रमा आउने प्रोत्साहन पनि दिए । त्यतिमात्रै होइन शहीद स्मृति कलेज पढ्दाताका उनले धेरै स्थानीय गायक पनि जन्माए । उनीबाट प्रोत्साहित भएकाहरु एकताका देशभरि नै छाए ।
सम्झेर बसेँ बोलको यो गीत दर्जनौँ स्टेज प्रोग्रामहरुमा वान्स मोरको डिमाण्डसहित हिट भए । युवा पुस्ता त यति धेरै क्रेजी भए कि, उनलाइृ फ्यानहरुसँग समय मिलाउनै हम्मे हम्मे भयो ।
हो, उनै गायक सरोजले सम्झेर बसेँ गीतको नयाँ भर्सनको म्युजिक भिडियो बजारमा ल्याएका छन् । र, ती हजारौँ फ्यान जसले यूट्युबबाट यो गीतको भिडियो गीत हेर्न र सुन्न सक्नेछन् । उनले अरु दर्जनौँ गीत पनि गाए । प्रायः सबै गीत स्रोताले मन पराएका छन् ।
आफ्नै व्यक्तिगत काम र पारिवारिक जीवनले केही समय गीतसंगीतबाट टाढा रहेका उनी फेरि उदाएका छन् । नयाँ भर्सनको म्यूजिक भिडियोसहित । पक्कै पनि उनको गीत सबैले मन पराउने अपेक्षा लिइएको छ । गीतसंगीतका पारखीले सम्झेर बसेको उनको गीत पुर्नताजगीसहित पुनः सुन्न सक्ने भएका छन् ।
सांगीतिक क्षेत्रमा पुनः उदाएकामा उनका साथीभाइ, फ्यान र शुभचिन्तकहरुले खुसी व्यक्त गरेका छन् । रत्ननगरका यी रत्न, सरोजको गीत तपाइँहरुले माथिको भिडियोमा हेर्न अनि सुन्न सक्नुहुनेछ ।
प्रतिक्रिया