दमासकस, असार १४– सिरियामा गत वर्ष इस्लामिक स्टेट (आइएस) आतङ्ककारी समूहले तीन हजार २७ व्यक्तिको हत्या गरेको मानवअधिकार समूहले जानकारी दिएको छ ।
सिरियाको विभिन्न सहरमा आइएसले मच्चाएको आतङ्कमा एक हजार ७८७ जना सर्वसाधारणसहित तीन हजार २७ व्यक्ति मारिएका सिरियन अबजरभेटरी फर ह्युम्यान राइट्सले आइतबार जानकारी दिएको छ ।
लण्डनसँग आबद्ध अब्जरभेटरीका अनुसार सिरियाको विभिन्न प्रान्तमा गत वर्ष आइएसले चार हजारभन्दा बढी व्यक्तिको अपहरण गरेका थिए ।
अब्जरभेटरीका अनुसार सिरियाको नौ वटा प्रान्त अर्थात् ५० प्रतिशत भाग हाल आइएसको नियन्त्रणमा रहेको छ । आइएसको नियन्त्रणमा प्रमुख प्रान्तहरुमा रक्का, देइर अल जोउर, हासाका, हामा, अलेपो रहेका छन् ।
प्रतिक्रिया