इमेलको प्रयोग गर्ने क्रममा कहिलेकाहीँ यस्तो पछुतो हुन्छ की नपठाउनुपर्ने व्यक्तिलाई तथा नपठाउनुपर्ने चिज कसैलाई पठाइन्छ भुलबस । पठाइसकेको इमेल फिर्ता लिन पनि नमिल्ने ।
कहिलेकाहीँ त गलत इमेल वा गोप्य इमेल नजानुपर्ने व्यक्तिलाई गएको रहेछ भने बित्यासै पर्ने अवस्था पनि आउनसक्छ । कहिलेकाहीँ र भुलबस रिप्लाइ टु अल बटन थिच्दा त कहिलेकाहीँ गलत मानिसको इमेल ठेगाना टाइप हुँदा वा कहिलेकाहीँ फाइल अट्याच गर्न बिर्सिँदा पनि यस्तो हुनसक्छ ।
यहीँ समस्यालाई ध्यानमा राख्दै गुगलले आफ्नो इमेल सेवा जिमेलमा पठाइसकेको इमेल फिर्ता गर्न सक्ने फिचर सुरु गरेको छ ।
सन् २००९ मै गुगलले अनडु सेन्ड फिचरलाई जिमेलको ल्याब्स फिचर अन्तरगत लुकाएर परीक्षणको रुपमा सुरु गरेकोमा हाल आएर यसलाई सबै प्रयोगकर्ताले प्रयोग गर्न सक्नेगरी औपचारिक रुपमा सार्वज्निक गरेको छ ।
गुगलले मंगलबारदेखि अनडु सेन्ड अप्सन आफ्नो जिमेल सेवामा उपलब्ध रहेको जानकारी गराएको छ, र यो फिचर जिमेलको सेटिङ अप्सनमा उपलब्ध रहेको छ ।
प्रतिक्रिया