काठमाडौँँ । अन्तर्राष्ट्रिय समन्वय परिषद्, गैरआवासीय नेपाली संघ (एनआरएनए)का अध्यक्ष शेष घलेले संविधान निर्माणका लागि चार दलबीच भएको सहमतिको स्वागत गरेका छन् । अध्यक्ष घलेले एक विज्ञप्ति जारी गर्दै संविधान निर्माण प्रक्रियालाई द्रूत गतिमा अघि बढाउन नेपालका प्रमुख चार राजनीतिक दलहरुबीच भएको सभझदारी र प्रतिबद्धताको गैरआवासीय नेपाली संघले स्वागत गरेको जनाएका छन् ।

देश र जनताले महाभूकम्पको मार खपिरहेको बेला राज्यको सम्पूर्ण शक्ति पुनर्निर्माण, पुनःस्थापना र आर्थिक विकासमा केन्द्रित गर्नुपर्ने वर्तमान आवश्यकतालाई महसुस गर्दै राजनीतिक दलहरुले देखाएको अभूतपूर्व एकताले नेपाली जनता र सम्पूर्ण गैरआवासीय नेपालीहरुमा आशाको सञ्चार गराएको घलेद्वारा हस्ताक्षरित विज्ञप्तिमा उल्लेख गरिएको छ ।

राजनीतिक दलहरुले गरेको सहमतिअनुसार अब केही महिनामै मुलुकले नयाँ संविधान पाउने र मुलुकमा राजनीतिक स्थिरता कायम भई पुनर्निर्माण र आर्थिक समृृद्धिको मार्गमा अघि बढ्ने विश्वास लिएको उनले उल्लेख गरेका छन् ।

योसँगै मुख्य राजनीतिक दलहरुबीच भएको सहमतिअनुसार नयाँ संविधानमा गैरआवासीय नेपालीहरुले नागरिकता पाउने विषयको समेत सम्बोधन हुने विश्वासका कारण हामी थप उत्साहित खुसी भएको र मातृभूमिलाई संकट परेका बेला नेपालमै आएर केही गर्ने अठोट बोकेका मनकारी गैरआवासीय नेपालीहरुलाई यसले थप उत्साह र हौसला प्रदान गर्ने उनले बताएका छन् ।

संविधान निर्माण र स्थायि¤वसँगै गैरआवासीय नेपाली संघ मुलुकको आर्थिक समृद्धि र पुनर्निर्माणमा साझेदार बनेर योगदान गर्न तप्पर रहेको उनले जनाएका छन् । नेपालमा सीप, ज्ञान र पुँजी भित्र्याएर मुलुकलाई समृृद्ध बनाउने हाम्रो अभियानलाई अझै उचाईमा पु¥याउने प्रतिबद्धता पनि उनले जनाएका छन् ।