चितवन । बढ्दो गर्मीका कारण चितवनका अस्पतालहरुमा छालाका बिरामीहरुको चाप बढ्दै गएको चिकित्सकहरुले बताएका छन् । केही दिनदेखि चितवन लगायत तराईका जिल्लाहरुमा अत्याधिक गर्मी बढेपछी अस्पतालहरुमा छालाका समस्या भएका बिरामीहरुको चाप बढेको चितवन मेडिकल कलेज भरतपुरका छाला रोग बिशेषज्ञ डा अच्युत पोख्रेलले बताएका हुन् ।

 

चितवन मेडिकल कलेजमा मात्रै दैनिक ७० भन्दा बढि बिरामी हरु छालाको समस्या लिएर आउने गरेको डा पोख्रेलको भनाई छ । पछिल्ला केही दिन यता चितवनमा गर्मी बढेर ३८ डिग्री सेल्सीयससम्म पुगेको छ । अत्याधिक गर्मी भएपछी मानिसमा छाला जन्य रोगको संक्रमण बढेकोले जिल्लाका सवै अस्पतालहरुमा छालाका रोगका बिरामीहरुको चाप बढेको डाक्टर पोख्रेल बताउँछन् ।

 

गर्मीका कारण छालामा आउने समस्या जस्तै खोईरो लाग्ने ९ कपाल झर्ने रोग ० दाध, दुवी, सेतो र रातो घमौरा, चिलाउने र पास्नी रोग, पसिनाको एलर्जी, डडुवा रोग, डण्डीफोर बढेर आउने लगायतका समस्या भएका बिरामीहरुको चाप रहेको उनले बताए ।

 

दिउँसो अत्याधिक गर्मी बढर्ने र साझ अत्याधिक हावा हुरी लाग्ने त्यसले गर्मी जन्य रोगको संक्रमण बढाउन सक्ने भन्दै घाम र हावाहुरी बाट बच्न डा।पोख्रेलको आग्रह छ । गर्मीका कारण छालामा कुनै समस्या सृजना भए तुरुन्तै चिकित्सककोमा पुगेर रोगको पहिचान र उपचार गर्न उनले अनुरोध गरे ।

 

चितवनमा अत्याधिक गर्मी बढेपछी मानिसहरु घरबाट बाहिर निस्कन र दैनिक कर्म गर्न पनि समस्या भएको सिमा सुरक्षा बल आपटाडीका प्रमुख शम्भु उप्रेतीले बताए ।

 

गर्मीका कारण गर्मी जन्य रोगको जोखिम समेत उच्च हुँदै गएको छ । बढ्दो गर्मीसंगैै यससंग सम्बन्धित विभिन्न रोगहरुको संक्रमण र जोखिम बढेको भरतपुर अस्पतालका डा प्रकाश खतिवडाले बताए ।

 

गर्मीमा फोहोर पानीका कारण सर्ने झाडापखला, हंैजालगायतका रोगहरु बढी देखिने उनको भनाई छ । कहिले पानी पर्ने तथा कहिले चर्को घाम लाग्नेक्रम निरन्तर रहेमा भाइरल ज्वरो पनि फैलन सक्ने उहाले बताए । यस्ता रोगहरु छिट्टै नै एक व्यक्तिबाट अर्को व्यक्तिमा सर्ने भएकाले सबैलाई सजग रहन खतिवडाको आग्रह छ ।

 

गर्मी बढेसंगै तराई क्षेत्रमा लामखुट्टेको अत्याधिक बृद्धी हुनाले यसको टोकाइबाट फैलने मलेरिया, डेङगुजस्ता रोगहरुको पनि उच्च जोखिम रहने भन्दै सजग रहन चितवन अस्पताल भरतपुरका निर्देशक फिजिसियन डा बिजय पौडेलको आग्रह छ ।

 

गर्मीमा बढी मेहनत गरेर काम गर्नेहरुको बढी पसिना निस्कने भएकाले त्यसबाट शरीरमा समस्या सृजना हुन नदिन पानी प्रशस्त पिउन उनको आग्रह छ । शरीरको तापक्रम सन्तुलनमा राख्न पानी अधिक पिउनु पर्ने उनी बताउँछन् । गर्मीमा प्रदुषण धेरै हुने भएकाले लामो बाउला भएको कपडा लगाएर हिँड्ने र माक्सको प्रयोग गर्न सकेपनि छालाका रोगमा कमि आउँन सक्ने पौडेलले बताए ।

 

गर्मीमा बाहिरबाट आउँदा साबुन पानीले हात धुने, नुहाउने , वरपरको वातावरण सफा राख्ने, सधै पानी उमालेर पिउने, खानेकुरा अपच हुने तरिकाले नखाने ,बासि र अस्वस्थकर जस्तो देखीने खानेकुरा नखाने बढी तनाव नलिने र राती सुत्ने बेला ओच्छ्यान राम्रोसंग टक्ट्क्याएर सुत्ने लगायतका कुरामा ध्यान दिन सके गर्मीजन्य रोगबाट बच्न सकिने डा।पौडेल बताउँछन् ।