नवलपरासी । भारतीय पक्षले नेपाल गण्डक पश्चिम नहरमा पानी नदिंदा नेपाली किसानहरु मारमा परेका छन् । किसानले धानको बीउ राख्ने बेला भईसके पनि भारतले नेपाल गण्डक पश्चिमी नहर सिचाई प्रणाली पानी नखोलिदिदा किसानहरु मर्कामा परेका हुन् । भारतीय पक्षले पानी नछाड्दा र नहरको जल उपभोक्ता संस्था मुल समितिको लापरवाहीले किसानले समस्या भोग्नु परेको हो ।

 

नवलपरासीको दक्षिणी गाविसका ८ हजार ७ सय हेक्टरमा सिचाई गर्नका लागि ३२ किलोमिटर लम्बाईको मुल नहर रहेको सिचाई प्रणँलीमा पानी नहुंदा किसानले धान बीउ राख्न बैकल्पिक उपाय खोजीमा लागेको स्थानीय किसानले बताएका छन् ।

 

पानी नहुंदा धानको बीउ राख्न नर्सरी तयार गर्न, उखु, मेन्था, घाँस खेतीमा सिचाई गर्न पाएका छैनन् । जेठको पहिलो सातादेखि किसानहरुले बीउ राख्न थाल्छन् ।

 

वि।सं २०१६ सालमा भएको गण्डक सम्झौता अन्तरगत बनेको नहर एक त भारतीय पक्षले बेलामा पानी नछाडिदिने अर्को तिर अवैध रुपमा एक दशकदेखी साधारणसभा बिना नै काम गर्दै आएको समितिले किसानको समस्या नबुझिदिदा मर्कामा परेको रामपुर खडौना ५ किसान रामप्रसाद यादवले बताए ।

 

नहरमा पानी नपाए पछि कतिपय शाखा र प्रशाखा नहर पनि किसानले पुर्न थालेका छन् । गण्डक सम्झौता अनुसार एक महिना ९अप्रिल० महिना मात्र पानी बन्द गर्न पाउछ । तर मर्मतको नाममा तिन महिना देखी नहरमा पानी बन्द रहेको छ ।

 

बीउ राख्ने बेलामा पानीको ब्यवस्था मिलाउने भन्दा समितिले नहरमा रहेको सिसौको रुख बेच्ने, नहरको सडकमा पटके सवारी शुल्क उठाउन ठेक्का लगाउने र आएको आम्दानी बाँडीचुली खाने बाहेक केही काम नगरेको स्थानीय किसानले आरोप लगाएका छन् ।