मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

रोटरी क्लब अफ रत्ननगरको चार्टर डे सम्पन्न

रोटरी क्लब अफ रत्ननगरको चार्टर डे सम्पन्न


चितवन । रोटरी क्लब अफ रत्ननगरको १५ औँ ‘चार्टर डे सेरेमोनी’ सम्पन्न भएको छ । क्लबका अध्यक्ष मधुपकुमार भट्टराई ‘माधव’को सभापतित्व एवम् रत्ननगर नगरपालिकाकी कार्यकारी अधिकृत इन्द्रकुमारी थपलियाको प्रमुख आतिथ्यतामा सम्पन्न कार्यक्रममा विशिष्ट अतिथि डिस्ट्रिक्ट सेक्रेटरी भोजराज कौडाल रहेका थिए ।
 
चार्टर डेका अवसरमा आयोजित कार्यक्रममा रोटरी क्लब अफ रत्ननगरका संस्थापक अध्यक्ष राजेन्द्रकुमार श्रेष्ठले क्लबका सदस्य साथीहरुले सक्रियताका कारण १५ औँ दिवस मनाउन सकेकोमा सबै रोटरीयनलाई धन्यवाद दिए ।
 
रत्ननगर नगरपालिकाकी कार्यकारी अधिकृत इन्द्रकुमारी थपलियाले क्लबले मानवीय र सामाजिक क्रियाकलापमा समेत उदाहरणीय कार्य गर्दै आएकोमा धन्यवाद दिँदै नगरपालिकाका तर्फबाट सक्ने सहयोग गर्न तत्पर रहेको बताइन् ।
 
सोही समारोहमा होटल स्टार व्याङ्क्वेटका प्रबन्ध सञ्चालक एवम् रोटरीयन भेषराज दुवाडीले आफ्नो होटलको कार्यक्रम कक्षलाई रोटरी हल नामाकरण गरेका थिए ।
 
क्लबका अध्यक्ष मधुपकुमार भट्टराईले महाभूकम्पपश्चात् क्लबले गरेका गतिविधिबारे प्रष्ट पारेका थिए । उनका अनुसार वैशाख १४ गते भूकम्पपीडित घाइतेलाई रगतको अभाव नहोस् भनेर आफ्नै संयोजनमा १४४ जनाद्वारा रक्तदान गरिएको उल्लेख गरे । यस्तै, १५ गते रत्तनगरका व्यवसायीहरुबाट संकलित १०० कार्टुन पानी काठमाडौँमा लगेर वितरण गरिएको जानकारी दिए ।
 
रोटरी क्लबकै अगुवाइमा चितवन गुराँस इन्भेष्टमेन्ट प्रालि र पण्डित नारायणप्रसाद पोखरेल प्रतिष्ठानको सहयोगमा संकलित राहत गोरखाको बगुवा, खान्चोक भञ्ज्याङ, तान्द्राङलगायतका ठाउँमा वितरण गरिएको उनले जनाए । सो क्रममा २०० बोरा चामल, त्रिपाल, चिउरा, कम्मललगायतका सामग्री हस्तान्तरण गरिएको उनले बताए ।
 
निराजन खनालको संयोजकत्वमा सञ्चालित कार्यक्रममा रत्ननगर नगरपालिकाका लेखा अधिकृत सीताराम पोखरेल, रनपाका सामाजिक विकास शाखा प्रमुख तेजेन्द्र लामिछानेलगायतले मन्तव्य राखेका थिए ।