काठमाडौँ । गैरआवासीय नेपाली संघ (एनआरएन) को ११ औँ महाधिवेशनबाट निर्वाचित डा. बद्री केसीको नेतृत्व प्रति असहमति जनाउँदै अध्यक्षमा पराजित राजेन्द्र कुमार (आरके) शर्माको नेतृत्वमा समानान्तर कमिटी घोषणा भएको छ । शर्मा माअोवादी निकट व्यक्ति हुन् ।
बद्री केसी नेतृत्वको कार्यसमितिलाई अस्वीकार गर्दै शर्माको नेतृत्वमा छुट्टै कमिटी घोषणा गरिएको रातोपाटी डटकम अनलाइनले उल्लेख गरेको छ । नेपाली समय अनुसार शनिबार राति ललितपुर स्थित होटल हिमालयमा भएको पराजितहरू र उनीहरूका समर्थकहरूको भेलाले अलग्गै समिति घोषणा गरेका हुन् ।
रमाइलो पक्ष चाँही यो छ कि निर्वाचनमा जो जो व्यक्ति जुन पदमा पराजित भएका थिए सोही पदमा बसेका छन् । समानान्तर कार्यसमितिमा डा. केशव पौडेल, गोविन्द श्रेष्ठ, खगेन्द्र न्यौपाने, गंगाधर गौतम, सुनिल शाह, विजय मोक्तान र गणेश केसी उपाध्यक्ष रहेका छन् ।
यी मध्य डा. पौडेल बाहेक अधिकांश उपाध्यक्ष पदमा पराजितहरू हुन् । त्यस्तै, महिला उपाध्यक्षमा रोजिना प्रधान र युवा उपाध्यक्षमा अब्दुल वासिद रहेका छन् ।
महासचिवमा बुद्धी सागर सुवेदी छन् । उनी विजयी महासचिव गाैरीराज जोशीसँग पराजित हुन् । उपमहासचिवमा सोम सापकोटा र प्रमोद सिटौला छन् । त्यस्तै, सचिवमा लोकप्रसाद दाहाल, कृष्ण जीवी पन्त, टंक गैरे, दयानिधि सापकोटा, राम पोखरेल र केपी सिटौला छन् ।
कोषाध्यक्षमा ठाकुरप्रसाद ढुंगाना रहेका छन् भने सह कोषाध्यक्षमा तिलक गैरे, मोहम्मद मुसलमान, सीपी पौडेल र कृष्ण तिम्सिना छन् ।
सैगरी महिला सचिवमा विमला सापकोटा, महिला सह कोषाध्यक्षमा तृष्णा शर्मा काफ्ले, युवा संयोजकमा रविन अधिकारी तथा महिला संयोजकमा देवीका केसी गुरुङ रहेका छन् ।
११ औँ महाधिवेशनबाट नेतृत्व चयनमा असन्तुष्ट जनाउँदै अध्यक्ष पदका प्रत्याशी शर्मा र महेशकुमार श्रेष्ठ लगायतले धाँधलीबाट भएको नेतृत्वलाई स्वीकार गर्न नसक्ने बताएका थिए । अध्यक्षमा पराजित नेपाली कांग्रेस निकट महेश श्रेष्ठले भने समानान्तर समिति घोषणा प्रति विमती जनाएको स्रोतले जानकारी दिएको छ ।
उनीहरूले मत परिणाममा भएको त्रुटिबारे १५ दिनभित्र अनुसन्धान गर्ने सहमति विजयी पक्षले तोडेको बताए । तर निर्वाचन समितिले भने भोटिङ्ग सिस्टम प्रदायक भेरोले कुनै पनि त्रुटी नभएको उल्लेख गर्दै पत्र पठाएपछि निर्वाचन प्रकृया अन्त्य गर्दै शपथग्रहण कार्यक्रम अायोजना गरेको थियो ।
चुनावबाट विजयीहरूले भने शनिबारनै एनअारएनको कार्यालयमा पुगेर पदभार ग्रहण गरिसकेका छन् । निर्वाचन गर्नका लागि गठन गरेको समितिले विजयी टिमलाइनै मान्यता दिएको छ ।
शर्मा नेतृत्वको एनआरएन तेस्रो संस्था बनेको छ । प्रवासमा रहेका नेपालीहरू भने एनआरएनका अभियन्ताको पदप्रतिको लोभले वाक्क बनेका छन् ।
फोटो/भिडियो स्रोत: सामाजिक सञ्जाल
तेरि* चोर हो, छीः छीः छीः छीः, एनआरएनए चोर हो, छीः छीः छीः छीः 😂😂😂 pic.twitter.com/P9E1aHcX50
— Ananta Koirala (@anantabrt) October 21, 2023
प्रतिक्रिया