ड्यालस (टेक्सास)- टेक्ससको ड्यालस फोर्टवर्थ क्षेत्रमा बसोवास गर्ने सुदूरपश्चिमेलीहरुले यस बर्षको गौरा पर्ब  मनाउने भएका छन ।

यस बर्षको गौरा पर्वको अवसरमा यही सेप्टेम्बर महिनाको १० तारेख आईतबारका दिन नेपाली साँस्कृतिक तथा अध्यात्मिक केन्द्र ( पशुपति नाथ मन्दिर) युलेशमा बिबिध कार्यक्रमका साथ गौरा पर्ब मनाउन लागिएको सुदूरपश्चिम नेपाली समाज टेक्सासका अध्यक्ष नवराजनाथ योगीले जानकारी दिनु भयो ।

अध्यक्ष नाथका अनुसार गौरा पर्ब सुदूरपश्चिमेली समुदायको मौलिक पर्ब भएकाले गौरा पर्बमा सहभागिताका लागि ड्यालस फोर्टवर्थ क्षेत्रमा बसोवास गर्ने सुदूरपश्चिमेलीहरुलाई सार्बजनिक रुपमा चुले निम्तो पठाईएको छ । गौरा पर्ब सुदूरपश्चिमको बिशेष साँस्कृतिक पर्ब भएकाले गौरा पर्बमा ईच्छुक नेपाली समुदायहरु सहभागि हुन सक्ने सुदूरपश्चिम नेपाली समाज टेक्सासले जनाएको छ ।

गौरा पर्बका अवसरमा सेप्टेम्बर १० का दिन बिहान गौरा देबीको पूजाआजा, सुदूरपश्चिमका चर्चित कलाकार चाँदनी मल्ल र शँकरसिं बिष्ट लगायतका कलाकारहरुले डेउडा लगायत बिबिध साँस्कृतिक कार्यक्रम तथा आठेवाली नाच प्रस्तुत गर्ने कार्यक्रम रहेको छ ।

यसअघि सुदूरपश्चिम नेपाली समाज टेक्सासको आयोजनामा अस्टिनमा सेप्टेम्बर ३ तारेखका दिन गौरा पर्ब बनाईएको थियो ।

प्रवासमा सुदूरपश्चिमेली सँस्कृतिको सँरक्षण तथा सम्बद्र्धन गर्नका लागि सुदूरपश्चिम नेपाली समाज टेक्सासले गौरा पर्ब, बिसु पर्ब, होली पर्ब लगायतका साँस्कृतिक चाडपर्बहरु मनाउदै आएको छ ।

अमेरिकामा अधिकाँश व्यक्तिहरु काममा व्यस्त हुने भएकाले सबैलाई पायक पर्ने दिन र स्थानमा नेपाली चाडपर्बहरु मनाउने गरिन्छ ।