ड्यालस (टेक्सस) । ड्यालस एभरेष्ट लायन्स क्लबका नयाँ पदाधिकारीहरुको पदस्थापना कार्यक्रम शनिबार अर्भिङ्गमा सम्पन्न भएको छ ।

सन् २०२३-२४ का लागि चयन भएका नयाँ पदाधिकारीहरुले शपथ सहित पदभार ग्रहण गरेका हुन् । यो वर्षका लागि इन्जिनियर सूर्यनाथ भण्डारीको अध्यक्षतामा ड्यालस एभरेष्ट लायन्स क्लबको नयाँ नेतृत्व निर्विरोध चयन भएको छ ।

क्लबका नयाँ पदाधिकारीहरुका प्रथम उपाध्यक्ष, द्वितीय उपाध्यक्ष, सचिव, कोषाध्यक्ष, टेल ट्विष्टर, ट्यामरमा क्रमशः केदार बराल, बसन्त पन्त, रुद्रमणि खतिवडा, सिर्जना बराल, रामकृष्ण सेढाई र जीत क्षेत्री चयन भएका छन् । क्लबका पुर्ब अध्यक्ष पदेन निवर्तमान अध्यक्ष पदमा रहने प्रावधान अनुसार डा. विष्णुमायाँ उपाध्याय निवर्तमान अध्यक्षमा रहनुभएको छ ।

त्यस्तै डाइरेक्टरहरुमा सुरेश बस्याल, मिना क्षेत्री, मनिषा पौडेल, गंगा भट्टराई, डा. लक्ष्मी अधिकारी पौडेल, संगीता तिवारी पन्त, विमला बजगाई अञ्जु बेलबासे रहनुभएको छ ।

त्यस्तै विनय उपाध्यायको नेतृत्वमा लियो क्लबको नयाँ नेतृत्व पनि चयन भएर पदस्थापना सम्पन्न भएको छ ।

लियो क्लबका पदाधिकारीहरुमा प्रथम उपाध्यक्षमा साजन बराल, द्वितीय उपाध्यक्षमा कशिष पन्त, सचिवमा सुप्रिम शर्मा, कोषाध्यक्षमा ओमकार ढकाल छन् । त्यस्तै डाइरेक्टरहरुमा आभा श्रेष्ठ, अनमोल भण्डारी, अभिनाष आयुस सुवेदी, सिद्धिदात्री विष्ट, श्रेया पोखरेल, सिर्जन शर्मा र सुविद गौतम छन् ।