कला

प्रेमिल जोडीको भावना पोखिएको भिडियो लुकिछिपी सार्वजनिक

प्रकाशित |
काठमाडौँ । फिल्मीखबर डट कमका प्रधान सम्पादक सुमन गैरेको रचनामा प्रविशा अधिकारी र सुमन केसीको स्वर रहेको गीत लुकीछिपीको भिडियो सार्वजनिक भएको छ । सरोज पोखरेलको संगीत रहेको गीतमा प्रेमिल जोडीको भावना पोखिएको छ ।  
 
प्रकाश धितालको निर्देशनमा बनेको उक्त म्युजिक भिडियोमा उमेश भट्ट र आलिशा बास्तोलाको अभिनय रहेको छ । गहिरो प्रेममा रहेका जोडीले आफ्ना भावना पोखेको यस गीतको छायांकन चितवनमा गरिएको हो ।  
 
उत्सव दाहालले छायांकन गरेको उक्त भिडियोका सम्पादक विकास दाहाल हुन् भने एशोसियट निर्देशक माधव शर्मा हुन् । प्रेम रसाइलीको कोरियोग्राफी, अशिम रानाभाटको कस्ट्युम डिजाइन तथा दिपेन गौतम (माइकल)को प्रडक्सन डिजाइन रहेको सो गीतलाई गायक केसी र गीतकार गैरेले निर्माण गरेका हुन् ।
 
आधा दर्जन फिल्म र म्युजिक भिडियो तथा एकदर्जनभन्दा बढी विज्ञापनमा अभिनयसमेत गरिसकेका गैरेले गीत लेखनसँगै आफ्नो परिचयलाई नयाँ रूप दिएका छन्। 
 
हाल अमेरिकामा रहेका सञ्चारकर्मी गैरेले आगामी दिनमा गीत लेखनलाई निरन्तरता दिने बताएका छन् । आफ्नै लेखनमा अर्जुन पोखरेलको संगीत रहेको अर्को गीतको भिडियो पनि छिट्टै सार्वजनिक हुने गैरेले हिमालयखबरलाई जानकारी दिए ।

हिमालय खबर

हिमालय खबर -

थप »

यो खबर पढेर तपाईलाई कस्तो महसुस भयो ?

प्रतिक्रिया