राजनीति-समाज

साहित्यकार दीपक प्याकुरेलको निधन

हिमालय खबर ,

प्रकाशित १९ श्रावण २०७९, बिहीबार | 2022-08-04 04:46:02

अमेरिका । साहित्यकार दीपक प्याकुरेलको निधन भएको छ । केही समयदेखि निमोनिया र जन्डिसबाट ग्रसित प्याकुरेको न्यूयोकको एल्मष्ट अस्पतालमा उपचारका क्रममा निधन भएको हो ।

केही वर्षदेखि न्यूर्योकमा परिवारसहित न्यूर्योकमा बस्दै आएका प्याकुरेको जन्म मकवानपुरको हेटौँडामा भएको थियो । प्याकुरेलले आधी दर्जनभन्दा बढी गीत लेखेका छन् । उनका कयौँ गीतमा आनन्द कार्कीले स्वर दिएका छन् ।

स्वर्गीय प्याकुरेलको उबर नामक पुस्तक प्रकाशित छ । उनले बाह्र वर्षपछि र दी वेभ अफ लाइफ पुस्तकका साथै कयौँ गीत लेखेका छन् । स्व. प्याकुरेल उबरको दोस्रो भाग प्रकाशन गर्ने तयारीमा थिए । प्याकुरेलका श्रीमती एक छोरा र एक छोरी छन् । उनी ५३ वर्षका थिए ।

उनको अन्त्येष्टि न्यूर्योकमै गरिने भएको छ । कहिले गरिने भन्ने सम्बन्धमा छलफल भइरहेको पारिवारिक सदस्य सन्जु थापाले बताइन् ।

साहित्यकार प्याकुरेलको अन्त्येष्टिमा अमेरिकामा रहने सबै साहित्यकार, पत्रकार, समाजसेवी, संघसंस्था तथा कलाकारहरुलाई सहभागी भइदिन स्व. प्याकुरेलको पारिवारले सबैमा अपिल गरेको छ ।

उहॅाको वाह्रवर्ष पछी र The wave of life नामक अरु कृतिहरु पनि प्रकाशित भईसकेको छ ।

सोमवार विहान ९:०० वजे वा मंगलवार उहॅाको अन्तिम संस्कार हुने सम्भावना छ ।