कला

जुलाई २२ शुक्रबारदेखि युलेसको सिनेपोलिसमा ‘ए मेरो हजुर ४’ प्रदर्शनमा आउने

प्रकाशित |
The United States. पछिल्लो समय अमेरिका नेपाली चलचित्रका लागि राम्रो बजार बन्दै आइरहेको छ । त्यसमाथि पनि टेक्सस सेरोफेरोमा नेपाली चलचित्रहरूप्रति दर्शकहरूको उत्साहजनक चासो रहने गरेको छ ।
 
यसै सिलसिलामा झरना थापाको निर्देशन सुनीलकुमार थापाको निर्माण एवं अनमोल केसी, सुहाना थापा, सलोन बस्नेतलगायतका चर्चित कलाकारहरूको अभिनय रहेको यस वर्षकै सर्वाधिक सफल नेपाली चलचित्र ए मेरो हजुर ४ आगामी शुक्रबार अर्थात जुलाई २२ देखि युलेस सिटीमा रहेको सिनेपोलिस लक्जरी सिनेमाजमा प्रदर्शनमा आउने भएको छ । 
 
यस अगाडि कबड्डी ४ पनि सोही सिनेमाघरमा सफलतापूर्वक प्रदर्शन भएको थियो। यसप्रकार नेपाली चलचित्रले अमेरिकाका सिनेमाघरहरुमा नियमित शो पाउनु नेपाली चलचित्र क्षेत्रका लागि उत्साहजनक रहेको चलचित्रका डालस वितरक सुरेश दर्पण पोखरेल बताउँछन् । 
 
यस्तै ड्यालस सेरोफेरोमा रहनुभएका आम दर्शकहरुले आफ्नो चलचित्रलाई हेरेर माया गरिदिने विश्वास चलचित्रका नायक अनमोल केसीले विश्वास व्यक्त गरेका छन् । चलचित्रको ड्यालस प्रदर्शनको बारेमा छोटो प्रतिक्रिया दिँदै निर्देशक झरना थापा र कलाकार सुहाना थापाले पनि टेक्ससमा रहने नेपालीहरुलाई आफ्नो फिल्मलाई माया गरिदिनका लागि भिडियो सन्देशमार्फत आग्रह गरेका छन् ।
 

हिमालय खबर

हिमालय खबर -

थप »

यो खबर पढेर तपाईलाई कस्तो महसुस भयो ?

प्रतिक्रिया