अमेरिका- अमेरिका, बेलायत, अष्ट्रेलिया र क्यानडाका गैर आवासिय नेपाली संघ एनसीसीले सदश्यता शुल्क मार्च ६ तारिखसम्म नतिरेमा खारेज गर्ने एनआरएनए आईसीसीको निर्णयलाई बहुलठ्ठीपुर्ण भन्र्दै भत्र्सना गरेका छन् । 

 

ति देशका एनसीसी अध्यक्षले विहिवार संयुक्त विज्ञप्ति प्रकाशित गरी आईसीसीको निर्णयलाई चुनौती दिएका हुन् । 

 

संघको विद्यान बमोजिम निर्वाचित एनसीसीले पठाएको प्रतिनिधि डेलिगेट्स सूचीलाई मान्यता नदिने, फरक फरक एनसीसीहरु प्रति फरक फरक व्यवहार गर्ने, एनसीसीलाई दवाव दिने कामको हामीले विरोध गर्दै आएका छौ विज्ञप्तिमा भनिएको छ ती विवादस्पद कार्यलाई सच्याउनुको सट्टा उल्टै समग्र एनआरएनएको ७० प्रतिशत सदश्यलाई प्रतिनिधित्व गर्ने एनसीसीको सम्वन्धन खारेज गरीदिने धम्कीलाई हामीले अस्वाभाविक र बहुलठ्ठीपुर्ण कार्यको रुपमा भत्र्सना गर्छौ ।

 

एनआरएनए आईसीसी नेतृत्वले समान्य विवाद समाधान गर्न नसक्दा संकटमा परेको छ । पटक पटक घोषणा गरेर पनि चुनाव गर्न सकेको छैन । निर्वाचन तालिका पटक पटक परिवर्तन गरिएको छ । तर, पनि केन्द्रिय नेतृत्वले यसको जिम्मेवारी लिदैं राजिनमा दिएको छैन । 

 

 

एनआरएनए आईसीसीले आउने ६ तारिख सम्म शुल्क नवुझाए अमेरिका लगायत चार देशका एनसीसी खारेज गर्ने निर्णय गरेको छ । खारेज पछि अर्को निर्वाचन गर्न अर्को समिति वनाउने जनाईएको छ । 

 

तर, एनसीसी यसरी खारेज गरेमा संकट अरु वढ्ने छ । एनआरएनए एनसीसी अमेरिका अमेरिकाको कानुन अनुसार दर्ता भएको हो । यसलाई आईसीसीले मान्यता दिएको हो । तर, अहिलेसम्म समझदारी पत्रमा हस्ताक्षर भएको छैन । 

 

यो अवस्थामा आईसीसीले वनाउने समितिले एनआरएनए संस्थामा केही पनि गर्न सक्दैन । यो वेला अर्को निर्वाचन कसरी गराउने भन्ने संकट आउंछ । यो समिति वनेमासोसल मिडियामा आरोप प्रत्यारोप वाहेक केही उपलब्धि हुने छैन । 

 

निर्वाचन समिति गठन, पैसाको व्यवस्थापन, सदश्यको विवरण कसरी जुटाउने यस्ता संकट नयां समितिलाई पर्ने छ । कानुनतह एनआरएनए अमेरिका भित्र यो समिति प्रवेश गर्न सक्दैन । अर्कै संस्था र संरचना वनाउनु पर्ने हुन्छ । 

 

यो विवादलाई नजिक वाट हेरिरहेकाहरु भन्छन् आईसीसीले वनाएको समिति केही काम गर्न नसक्दा पंगु भएर सकिने छ । 

 

 

आईसीसीले यस महिनाको तेस्रो साता चुनाव गर्ने दावी गरेको छ । निर्वाचन तालिका पटक पटक परिवर्तन भएकाले यो चुनाव हुनेमा अन्यौलनै छ । 

 

उक्त तालिका अनुसार चुनाव गर्न अन्तिम मतदाता सुची प्रकाशित भई सक्नु पर्ने थियो । त्यो भएको छैन । उम्मेदवारले आफ्नो मनोनयन दाखिला गर्ने समय पनि परिवर्तन गरिएको छ । 

 

कतिपय उम्मेदवार नै शुल्क वुझाएर उम्मेदवारी दिन (मनोनयन) गर्न तयार नभएकाले वाध्य भएर निर्वाचन तालिका सार्नु परेको हो । 

 

चारवटा मुख्य एनसीसी खारेज भएको अवस्थामा के आधारमा चुनाव हुन्छ यो अन्यौल छ । 

 

 

जानकारहरु भन्छन् पटक पटक चुनाव रद्द भईसकेको, सामान्य विवाद पनि मिलाउन नसकेको विद्यमान नेतृत्वले पहिलेनै राजिनामा दिएर अगल हुनुपर्ने थियो । 

 

वर्तमान कार्यसमितिले राजिनामा दिएर अलग हुनासाथ समस्या सल्टिएर जाने दावी गर्नेहरु पनि छन् । आईसीसी पदाधिकारी विचनै एक मत नभएको हुदां यो नेतृत्वले मिलाएर लान नसक्ने वताईएको छ । 

 

तर, राजिनामा दिने विषयमा भने आईसीसी नेतृत्व अझै छलफलमा प्रवेश गरेको छैन ।