अमेरिका- गैरआवासीय नेपाली संघ (एनआरएनए) को विवाद नसल्टाई फेरी अन्तराष्ट्रिय समन्वय परिषद(आईसीसी)को मार्च २१ र २२ मा चुनाव गर्ने गरी नयां निर्वाचन कार्यतालिका सार्वजनिक भएको छ । 

 

एनआरएनए भित्रको विवादले पटक पटक चुनाव तालिका सर्दै आएको छ  । विवाद यथावत रहेकाले यो तालिका अनुसार निर्वाचन हुन्छ भन्नेमै आशंका छ । यसलाई वर्तमान नेतृत्वका अर्को केटाकेटी निर्णयका रुपमा लिईएको छ । 

 

वर्तमान नेतृत्वले विवादका समान्य विषय आईसीसी चुनावमा मत हाल्न पाउने डेलिगेट चयनका समस्या , परराष्ट्र मन्त्रालयसंग समन्वय गर्न नसक्नु र सरकार विरुद्ध अदालतमा मुद्दा सल्टाउन नसक्दा एनआरएनए संस्था संकटमा पर्दै आएको छ । 

 

वर्तमान नेतृत्वले विवाद समाधानका लागि एक पछि अर्को समिती वनाए पनि समस्या सल्टिएको छैन । यो अवस्थामा वर्तमान कार्यसमिति रहंदा सम्म विवाद सल्टिने अवस्था छिण वन्दै गएको छ ।

 

यो चौथो पटक आएको निर्वाचन तालिकाका अनुसार चुनाव हुन सक्दैन भन्ने थुप्रै शंका छन् । 

 

पहिलो आईसीसीले विवाद समाधानका लागि गठन रहेको उच्च स्तरीय समितिले एनआरएनए एनसीसी जापानको निर्वाचन रद्द गरेको छ । यसमा नयां विवाद सृजना भएको छ । 

 

दोस्रो अमेरिका लगायत केही ठुला एनसीसीले एनआरएनएलाई वुझाउनुपर्ने शुल्क रोकेर राखेका छन् । यो शुल्क नतिर्दा सम्म यहांवाट चयन भएका डेलिगेटले वैधानिकता पाउंदैनन् । यो भएमा ठुला संख्यालाई प्रतिनिधित्व गर्ने एनसीसी चुनावी प्रकृयावाट वाहिर हुने छन् । 

 

तेस्रो अधिकांश देशका एनसीसीले डेलिगेटको सुचीलाई पुर्नसमिक्षा गर्न आवश्यक रहेको हुदां आफुहरुसगं परामर्श गरेर चुनावमा जान सुझाव दिएका थिए । यसलाई आईसीसीले वेवास्ता गरेको छ । 

 

एनसीसी एनआरएनएका मुख्य आधार स्तम्भ भएपनि जिम्मेवार पदाधिकारीले यसको अस्तित्वलाई अविकार्न सकेका छैनन् । एनसीसी नेतृत्वले यस पटक पटक गुनासो गरेपनि सुनुवाई नभएको  वताउंदै आएका छन् । यो समान्य विषय भएपनि यसलाई सम्वोधन गर्न आईसीसी नेतृत्व असक्षम देखिएको छ । 

 

चुनावको तालिका आए सगैं केही उम्मेदवारले प्रचार प्रसार शुरु गरेपनि केहीले मौन वसेका छन् । पहिले उम्मेदवारी दिने घोषणा गरेकाहरुले प्रचार प्रसार शुरु नगर्दा विगतमा जस्तै यसपटकको चुनाव तालिकाले पहिलेकै नियती भोग्ने संभावना देखिएको हो । 

 

यस अघि अदालतले एनआरएनएको चुनावलाई नरोक्न अन्तरिम आदेश जारी गरेको थियो । यो आदेशले चुनाव गर्न वाटो खुला गरेपछि वर्तमान नेतृत्वले चुनावी तालिका सार्वजनिक गरेको थियो । तर, यो चुनावको मिती विना सुचना रद्द भयो । एक पक्ष चुनाममा सहभागी नहुने वताए पछि चुनावको समय गुज्रेको थियो । 

 

एनआरएनए थुप्रै विवादमा फसेको छ । नेपाल सरकार परराष्ट्र मन्त्रालय, आईसीसीका पुर्व अध्यक्षहरु, एनसीसीसंग समन्वय गरेर नजांदा सम्म विवादको निकास छैन । अहिलेकै अवस्थामा चुनाव हुदां एनआरनए भित्र अझै भद्रगोल अवस्था आउने अवस्था छ । 

 

अहिले बालुवाटारमा रहेको एनआरएनए कार्यालयनै विवादीत जग्गामा छ । सरकारले चाहेमा जुनसुकै वेला त्यहांवाट हटाईदिन सक्छ ।