काठमाडौँ । नेपालमा बुधबार पछिल्लो २४ घन्टामा थप एक हजार ८५१ जनामा कोरोना सङ्क्रमण पुष्टि भएको छ । यो मंगलबारको तुलनामा १०६ जनाले कमी हो ।  

 

पछिल्लो २४ घन्टामा ७७७७ जना कोरोना भाइरसबाट सङ्क्रमणमुक्त भएका छन् । यससँगै सङ्क्रमणमुक्त हुनेको सङ्ख्या नौ लाख २८ हजार ३६९ पुगेको छ । नेपालमा निको हुने दर ९५.६६ प्रतिशत रहेको मन्त्रालयले जनाएको छ । 

 

नेपालमा पिसिआर विधिबाट कोरोना परीक्षण गरिँदा नौ लाख ७० हजार ४६२ र एन्टिजेन विधिबाट परीक्षण गरिँदा एक लाख ४० हजार भन्दा बढी सङ्क्रमित भएको मन्त्रालयले जनाएको छ ।  

 

पछिल्लो २४ घन्टामा कोरोनाबाट १४ जनाको मृत्यु भएको मन्त्रालयले जनाएको छ । योसँगै कोरोना भाइरस सङ्क्रमणबाट मृत्यु हुनेको सङ्ख्या ११ हजार ८५२ पुगेको छ । कोरोना भाइरस सङ्क्रमणबाट हुने मृत्युदर एक दशमलव २२ प्रतिशत रहेको छ ।