काठमाडौँ । नेपालमा पछिल्लो २४ घन्टामा थप २९० जनामा कोरोना भाइरस सङ्क्रमण पुष्टि भएको छ । पछिल्लो २४ घन्टामा १७ हजार ८९ जनाको नमुना परीक्षण गरिएको थियो ।
यस्तै, गत २४ घन्टामा २३२ जना कोरोना संक्रमणमुक्त भएका छन् । यससँगै निको हुनेको सङ्ख्या आठ लाख नौ हजार ३८७ पुगेको छ । निको हुने दर ९८ प्रतिशत रहेको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा पिसिआर विधिबाट कोरोना परीक्षण गरिँदा सङ्क्रमितको सङ्ख्या आठ लाख २६ हजार २०६ पुगेको स्वास्थ्य तथा जनसङ्ख्या मन्त्रालयले जनाएको छ । पिसिआर विधिबाट परीक्षण गर्नेको सङ्ख्या ४७ लाख ८४ हजार २३१ र एन्टिजेन विधिबाट परीक्षण गर्नेको सङ्ख्या सात लाख ८९ हजार १२४ पुगेको छ । कुल संक्रमण दर १७ दशमलव तीन प्रतिशत छ ।
कोभिडविरुद्धको खोप लगाउनेको सङ्ख्या पछिल्लो २४ घन्टामा दुई लाख ४७ हजार ८१४ रहेको छ । हाल सक्रिय सङ्क्रमितको सङ्ख्या पाँच हजार २४२ रहेको छ ।
यसैगरी, पछिल्लो २४ घन्टामा कोरोनाबाट तीन जनाको मृत्यु भएको छ । यससँगै कोरोनाबाट मृत्यु हुनेको सङ्ख्या ११ हजार ५७७ पुगेको छ । कोरोनाबाट हुने मृत्युदर एक दशमलव चार प्रतिशत रहेको छ ।
हाल भेन्टेलेटरमा रहनेको सङ्ख्या २५ र आइसियूमा ९५ जना छन् । होम आइसोलेसनमा चार हजार ९९३, संस्थागत आइसोलेसनमा २४९ रहेको छ ।
हाल देशभरमा ५०० भन्दा बढी सक्रिय सङ्क्रमित भएका जिल्लाहरुमा काठमाडौँ र ललितपुर रहेका छन् भने दुई सयभन्दा बढी उपचारार्थ सङ्क्रमित रहेका जिल्लाहरुमा सुनसरी, भक्तपुर, कास्की, बाँके र कैलाली छन् ।
शून्य सङ्क्रमित रहेका जिल्लाहरुमा मनाङ, डोल्पा, हुम्ला र बाजुरा रहेका छन् । उपत्यकाका तीन जिल्लामध्ये हाल काठमाडौँमा ८२३, ललितपुर ५९१ र भक्तपुरमा ४९९ सक्रिय सङ्क्रमित रहेको मन्त्रालयले जनाएको छ । रासस
प्रतिक्रिया