अमेरिका । अमेरिकाको टेक्ससमा सम्पन्न शारीरिक सुगठन प्रतियोगितामा पुख्र्यौली घर बुटवल भई सात वर्षदेखि टेक्ससको ड्यालसमा बस्दै आएका नेपाली मूलका उत्सव सिंहले दुई स्वर्ण पदक हासिल गरेका छन् ।
अमेरिकी पत्रिकाको आयोजनामा भएको प्रतियोगितामा सिंहले मिस्टर युएसए–२०२१ नेचुरल प्रो क्वालिफायर कम्पिटिसन (प्राकृतिक प्रो योग्यता प्रतियोगिता) मा दुई स्वर्ण पदक हासिल गरेका हुन् ।
सिंहले पुरुषहरूको फिजिक क्याटेगोरी र नोभिस क्याटेगोरी (शारीरिक वर्ग र नवदीक्षित वर्ग) मा पहिलो स्थान हासिल गरेका हुन् । स्वर्ण पदक प्राप्त गरेसँगै उनी अब व्यावसायिक खेलाडीका लागि योग्य भएका छन् । यो पदक जित्ने उनी पहिलो नेपाली हुन् ।
उनले सन् २०१९ को अगस्त २४ मा अमेरिकाको मेरील्यान्ड राज्यको लरेल सहरमा सम्पन्न एनपिसी क्यापिटल ग्रान्ड प्रिक्स प्रतियोगितामा स्वर्ण पदक प्राप्त गरेका थिए ।
प्रतिक्रिया