एनआरएन विशेष

डेलिगेट छनौट विवाद, एनआरएनए अमेरिकाका दुई विरोधाभास पुर्ण निर्णय

प्रकाशित |
अमेरिका- एनआरएनए अमेरिकाले एक साता भित्रै डेलिगेट छनौट वारे एक आपसमा नमिल्ने दुई विरोधाभासपुर्ण निर्णय गरेको छ । 
 
एनआरएनए अमेरिका निर्वाचन समितिले डेलिगेट छनौटका लागि चुनाव कार्यक्रम सार्वजनिक गरेकै वेला एनआरएनए अमेरिकाले एउटा विज्ञप्ति सार्वजनिक गरी २५ प्रतिशत डेलिगेट छान्न ३ सदश्य समिती गठन गरेको जनाएको छ । 
 
कसैको पनि हस्ताक्षर नभएको विहिवार सांझ सार्वजनिक उक्त विज्ञप्तिमा डेलिगेटको टुंगो लगाउन डा राजन पन्तको संयोजकत्वमा ३ सदश्य समिति वनाएको उल्लेख छ । सदश्यमा विकास उप्रती र शंकर खड्का सदश्य छन् । 
 
तर,  विज्ञप्तिमा निर्वाचन कार्यक्रम के हुन्छ यसवारेमा केही उल्लेख गरिएको छैन । एनआरएनए अमेरिकाका कानुनी सल्लाहकार समेत रहेका कार्यवाहक निर्वाचन संयोजक बासु फुलाराले आईसीसी र एनसीसी विधानको व्यवस्था अनुसार निर्वाचन कार्यक्रम सार्वजनिक गरेको दावी गरेको थिए । 
 
यो साताको शुरुमा एनआरएनए अमेरिकाले डेलिगेट चुनाव गर्न निर्वाचन समितिलाई लिखित रुपमा आग्रह गरेको थियो । बोर्डको वैठकको निर्णय अनुसार डेलिगेट छान्ने जिम्मेवारी निर्वाचन समितिलाई दिएको थियो । यस अनुसार निर्वाचन समितिले चुनाव कार्यक्रम र तालिका सार्वजनिक गरेको थियो । 
 
वर्तमान कार्यसमितिको समय केही दिन बांकी हुदां एनआरएनए अमेरिका पुन विवादमा फसेको छ । यसमा नवनिर्वाचित कार्यसमितिको प्रतिकृया आईसकेको छैन । 
 
एनआरएनए अमेरिकामा २० हजार सदश्य छन् । डेलिगेट छान्ने क्रममा नेतृत्व सधै विवादमा आउने गरेको छ । किन कसको चलखेलमा दुई विरोधासापुर्ण निर्णय भए भन्ने प्रश्न उठेको छ ।

एनआरएनए अमेरिकाको कसैको हस्ताक्षर नभएको विज्ञप्तिको पुर्ण पाठ र निर्वाचन समितिको चुनाव तालिका :
एनआरएनए अमेरिकाको कसैको हस्ताक्षर नभएको विज्ञप्तिको पुर्ण पाठ
एनआरएनए अमेरिकाको कसैको हस्ताक्षर नभएको विज्ञप्तिको पुर्ण पाठ
 निर्वाचन समितिको चुनाव तालिका
निर्वाचन समितिको चुनाव तालिका

- हिमालयखबर संवाददाता, न्युयोर्क

- हिमालयखबर संवाददाता, न्युयोर्क -

थप »

यो खबर पढेर तपाईलाई कस्तो महसुस भयो ?

प्रतिक्रिया