टेक्सास – एनआरएनए एनसीसी अमेरिकामा नयां नेतृत्वका लागि उम्मेदवार दिएका अध्यक्षका चार उम्मेदवार मध्ये कुनै एकले अर्कोलाई समर्थन गरेर जाने संभावना लगभग समाप्त भएको छ ।
यसै साता टेक्सास ड्यालसमा जम्मा भएका चार जना उम्मेदवार बीच विभिन्न तहमा सहमति हुन सक्छ कि भन्ने प्रयास भएका थिए । अनौपचारिक रुपमा गरिएको यी प्रयास सफल भएनन । अध्यक्ष पदका प्रत्यासी डा अर्जुन बञ्जाडे ,कृष्ण लामिछाने र बुद्धि सुवेदी बीच मिलेर जान गरिएको प्रयास असफल भयो । बञ्जाडे र लामिछाने दुवै जना डलास निवासी हुन । अनौपचारिक रुपमा लामिछाने समुहद्वारा बञ्जाडेलाई आईसीसीमा जान प्रस्ताव गरिएको थियो । तर, उनले मानेन् । बुद्धि पक्षले भने चित्तवुझ्दो कारण भए आफुले छाडेन र तर,अहिले आईसीसीमा नजाने स्पष्ट पारेका थिए ।
औनपचारिक वार्तामा सवै अध्यक्ष पदका उम्मेदवारले सहमतिका लागि आफु तयार रहेको तर, अध्यक्ष पदमा भने आफ्नै लागि सहमति हुनेपर्ने अडानवाट टसमस नभए पछि त्यसै टुंगिएका थिए ।
को कति बलियो
चुनाव नजिक आएकाले उम्मेदवार बीच अव भोटको जोड घटाउ शुरु भएको छ । एनआरएनए अमेरिका भित्र भोटको प्यार्टन वुझेकाहरु भन्छन् चुनावमा तिव्र प्रतिस्पर्धा छ, एक हजार भन्दा वढी मतअन्तरले जित हारको तय हुने छ ।
टेक्सास र न्यूयोर्क सवैभन्दा वढी मतभएका राज्य हुन् । बञ्जाडे र लामिछाने दुवै टेक्सासका हुन् । बञ्जाडे, लामिछाने र बुद्धि विच टेक्सासमा कति मत अन्तरले फरक पर्छ त्यही आधारमा जित हार हुने देखिन्छ । कृष्ण टेक्सासमा पहिले देखिनै सकृय छन् । उनको वढी प्रभाव रहेको वताईन्छ ।
तर, यदी कृष्ण र बुद्धि विचको टेक्सासको मतअन्तर कम भयो भने बुद्धिलाई फाइदा हुने छ । विगतका चुनावलाई हेरेकाहरु भन्छन् प्रतिस्पर्धा कृष्ण र बुद्धि बीच नै हुने देखिन्छ । तर, यसले जित्छ भनिहाल्ने अवस्था छ्रैन ।
एनआरएनए अमेरिकामा करिव २० हजार मतदाता छन् । जितका लागि करिव ६ हजार मत आवश्यक छ ।
कृष्ण र बुद्धि दुवै पक्षले आफुहरुसंग सजिलै ६ हजार मत पुग्ने दावी गर्छन । तर, यो दावी गर्दा गर्दै पनि उनीहरु भन्छन, टेक्सासको मत कसले बढी ल्याउंछ त्यसमा चुनाव निर्भर छ
प्यानलमा भने भोट नजाने
उम्मेदवारहरुले प्यानल वनाएर चुनावी मैदानमा उत्रेपनि त्यस अनुसार भोट गर्न मतदाता उत्सुक छैनन् ।
हिमालयखवरसंग सम्पर्कमा आएका धैरैले प्यानलमा होइन आफुले योग्य देखेको उम्मेदवारलाई भोट दिने वताए । प्यानलमा नपरेकालाई पनि भोट दिने आशय केही मतदाताले वताए ।
मत दिने पहिलो आधार व्यक्तिगत सम्वन्ध, त्यसपछि वल्ल प्यानल हेर्ने अधिकांश वताउंछन् ।
नेजा बहसमा केसीले मारे बाजी
अध्यक्ष पदका उम्मेदवार तिलक केसीले टेक्ससमा आयोजित नेजा बहसमा धेरैलाई प्रभावित पारेका थिए । चार जना उम्मेदवार मध्ये केसीको प्रस्तुती दमदार रहेको धेरैको टिप्पणी थियो । कार्यक्रम पनि उनीसँग फोटो खिच्ने बढेका थिए । अर्का समुहका एक जना उम्मेदवारले त मलाई त तपाईसंग बहस गर्न मन लाग्यो भनेर ठ्ट्टा समेत गरेका थिए ।
केसीले उद्देश्यका लागि चुनाव उठेको र जित हारले यसमा फरक नपर्ने वताएका छन् ।
प्रतिक्रिया