अमेरिका- एनआरएनए एनसीसी अमेरिकाले आफ्नै भवन निमार्ण गर्ने निर्णय गरेको छ । एनआरएन अमेरिकाको मे १६ मा वसेको बोर्ड बैठकले उक्त निर्णय गरेको हो ।
भवन कहां निमार्ण गर्ने उल्लेख छैन । एनसीसी युएसएको आसन्न निर्वाचनमा उठेको मध्ये निर्वाचन खर्च कटाएर बांकी रकम भवन निमार्ण कोषमा राख्ने निर्णय गरेको छ ।
आईसीसीलाई दिनु पर्ने प्रति सदश्यता वापतको ५ अमेरिकी डलर एनसीसी अमेरिकाले आफ्नै भवन निमार्ण गर्न लागेको हुदां नलिन अनुरोध गर्ने पनि बैठकले निर्णय गरेको छ ।
बैठकले एनआरएनए अमेरिकाको आउने साधारण सभा न्यूयोर्कमा गर्ने निर्णय पनि गरेको छ । साधारण सभा जुलाई ३ र ४ मा हुने छ । यो साधारण सभाले नयां निर्वाचित कार्यसमितिलाई पदभार हस्तान्तरण समेत गर्ने छ ।
साधारण सभा प्रयोजनका लागि चार सदश्य आयोजक कमिटी गठन गरिएको छ । यसमा उपाध्यक्ष विआर लामा कन्भेनर, युवा संयोजक बिनोद रूवाली को-कन्भेनर, पुर्ब क्षेत्रिय समिति सभापति सञ्जीव श्रेष्ठ को-कन्भेनर र न्यूयोर्क च्याप्टर अध्यक्ष रामहरी अधिकारी को-कन्भेनर छन् ।
प्रतिक्रिया