अमेरिकमा- एनआरएनए एनसीसी अमेरिकामा अध्यक्ष पदका लागि उम्मेदवारी दिएका सुर्य (साल) लम्साल माथि चुनाव लड्न अयोग्य भन्ने उजुरी परेपछि यो विषय पेंचिलो वन्न पुगेको छ ।
अध्यक्षकै अर्का प्रत्यासी तिलक केसीले निर्वाचन समितिमा लम्सालको उम्मेदवारी विरुद्ध उजुरी हालेका थिए । गत बर्ष अध्यक्ष पदमा चुनाव हारेका लम्सालले यस पटक पनि उक्त पदमा उम्मेदवारी दिएपछि उनको उम्मेदवारी कायम हुने नहुने विषयमा प्रश्न उठेका थिए । गत निर्वाचनमा नियतवश हराईएको भन्दै एनआरएनए अमेरिका, तत्कालिन निर्वाचन समिति विरुद्ध अदालतमा मुद्दा दायर गरेका थिए ।
एनआरएनए अमेरिकाको विधानमा संस्था विरुद्ध अदालतमा मुद्दा दायर गर्ने चुनावमा उठ्न अयोग्य हुने उल्लेख छ । तर, न्यायका लागि अदालतमा मुद्दा दर्ता गराउंदैमा उम्मेदवार वन्ने अधिकारमा वन्देज लगाउन प्रचलित कानुनले नमिल्ने आधार दिईएको थियो ।
निर्वाचन समितिले लम्साललाई उजुरीका वारेमा जानकारी दिदैं आफ्नो भनाई राख्न भनेको थियो । यसको उत्तरमा लम्सालले दोहोरो अर्थ लाग्ने गरी जवाफ पठाएका थिए ।
लम्सालले दिएको जवाफमा आफु संस्थाको आजिवन सदस्य भएकाले उम्मेदवार हुन पाउने अधिकार भएको र निर्वाचन समितिले पनि विधान अनुसार काम गर्नु पर्ने उल्लेख गरेका थिए । लम्सालको दोहोरो जवाफले उनले उम्मेदवारी दिनुको नियत माथि पनि प्रश्न उठेको छ ।
यो विषय पेचिलो वनेपछि निर्वाचन समितिले एनआरएनए अमेरिकाको तर्फवाट मुद्दा हेरिरहेका संस्थाका वकिलसंग यस बिषयमा परामर्श मागेको छ । ती वकिलले मुद्दा दायर गर्ने लम्साल पक्षका वकिलसंग पनि छलफल गरेको वताईएको छ ।
यो कानुनी विषय भएको छ अव वकिलले दिने राय सुझावकै आधारमा हामीले निर्णय गर्छौ निर्वाचन समितिका सदस्यले भने । वकिलको सुझाव आएपछि शुक्रवार सांझ उम्मेदवारको अर्को सुची सार्वजनिक गर्ने तयारी भईरहेको छ ।
एनआरएनए अमेरिकाका वोर्ड सदश्य समेत रहेका केसीले किन लम्साल माथि उजुरी गरे भन्ने प्रश्न पनि उठेको छ । यो योजनावद्ध रुपमा नियतवश विवाद सृजना गरिएको हो कि भन्ने शंकापनि उठान भईरहेको छ ।
प्रतिक्रिया