एनआरएन विशेष

एनआरएनए अमेरिका निर्वाचन उम्मेदवारको पहिलो सूची निकाल्ने तयारीमा निर्वाचन समिति

सहमति जुटाउन पनि अनौपचारिक वैठक

प्रकाशित |
अमेरिका- एनआरएनए एनसीसी अमेरिका (एनआरएनए अमेरिका) भित्र नयां नेतृत्वका लागि उम्मेदवारी दिन थप गरिएको समय पनि सकिएको छ । निर्वाचन समिति अव उम्मेदवारको पहिलो सूची निकाल्ने तयारीमा जुटेको छ । यस संगै चुनाव पनि तात्न थालेको छ ।
 
उम्मेवारी दिन मंगलवार मध्यरातसम्म अन्तिम समय तोकिएको थियो । तर, मंगलवार सांझ अमेरिकाका विभिन्न क्षेत्रमा समय फरक हुने कारण प्राविधिक त्रुटीले करिव एक घण्टा समस्या आएको थियो । यो समस्या आए लगत्तै निर्वाचन समितिले केही वेरमा यसलाई सम्वोधन गरेको थियो । तर, पनि कोही उम्मेदवार वन्न चाहने नछुटुन भन्ने उद्देश्यले वुधवार सांझ केही घण्टा उम्मेदवारी दिन मौका दिईएको थियो । त्यस वेला करिव दुई दर्जनले उम्मेदवार दर्ता गरेका थिए । 
 
अमेरिकाको एनसीसी, च्याप्टर र आईसीसी सदश्य पदमा निर्वाचन हुदैं छ । दुई सय भन्दा वढी पदमा निर्वाचन हुन लागेको छ । यसका लागि करिव ४ सय ५० जनाको उम्मेदवारी परेको छ । प्रकृया अनुसार उम्मेदवारी दिनेको मात्र सदर हुने छ । उम्मेवारको पहिलो सूची सार्वजनिक भए पछि फिर्ता लिने समय पनि छ । फिर्ता लिदां उम्मेदवार दिदां तिरेको शुल्क भने फिर्ता हुने छैन । 
 
अध्यक्ष पदका लागि पांच जनाको उम्मेदवारी परेको छ । एनआरएनए अमेरिकामा अध्यक्ष पदमा पांच जनाको उम्मेदवारी परेको यो पहिलो पटक हो । कृष्ण लामिछाने, बुद्धि सुवेदी, अर्जुन बञ्जाड,े तिलक केसी र सुर्य (साल) लम्सालको उम्मेदवारी परेको छ । 
गत निर्वाचनमा पराजित भएका लम्सालले यस पटक चुपचाप किन उम्मेदवारी दिए भन्ने प्रश्न उठेको छ । गत चुनावमा पराजित भए पछि लम्सालले अदालतमा मुद्दा हालेका थिए । अहिले उनको उम्मेदवारीको विषयमा विभिन्न टिका टिप्पणी भने भईरहेको छ । वरिष्ठ उपाध्यक्षमा तिन जनाले उम्मेदवारी दिएका छन् । 
 
एनआरएनए अमेरिकामा करिव २० हजार मतदाता छन् । मतदाताको सुची यस अघि नै सार्वजनिक भईसकेको छ । 
 
उम्मेदवारहरु विच सहमति जुटाउने प्रयास पनि भईरहेको छ । अनौपचारिक छलफल नियमित भईरहेको छ । तर, वुधवार सांझ सम्म कुनै सहमति जुटेको छैन । विशेष गरी अध्यक्ष पदमा मिलाउने प्रयास भईरहेको छ । तर, अध्यक्षमा आफुलाई छाड्नु पर्ने तव मात्र सहमति हुन सक्ने अडान राख्दै आएको सहमति हुन सकेको छैन । 
- हिमालयखबर संवाददाता, न्युयोर्क

- हिमालयखबर संवाददाता, न्युयोर्क -

थप »

यो खबर पढेर तपाईलाई कस्तो महसुस भयो ?

प्रतिक्रिया