एनआरएन विशेष

एनआरएनए अमेरिका निर्वाचन करिव ४५० को उम्मेदवारी पर्यो

उम्मेदवारी दिने समय वुधवार केही घण्टाका लागि खुला गरिने

प्रकाशित |
अमेरिका- एनआरएनए एनसीसी अमेरिकामा आउने कार्यकालका लागि विभिन्न पदमा करिव ४५० जनाको उम्मेदवारी परेको छ । अध्यक्षका लागि पांच जनाको उम्मेदवारी परेको छ । 
 
एनआरएनए अमेरिकाको कार्यसमिति, विभिन्न राज्यका च्याप्टर, आईसीसीमा अमेरिकाका वाट प्रतिनिधित्व गर्ने आईसीसी सदश्यका लागि हुन लागेको चुनावमा मंगलवार उम्मेदवारी दिने अन्तिम समय थियो । उम्मेदवारका लागि करिव एक साता नाम फिर्ता लिने समय छ । 
 
अध्यक्ष पदका लागि कृष्ण लामिछाने, बुद्धि सुवेदी, डा अर्जुन बञ्जाडे, तिलक केसी र सुर्य (साल) लम्सालले उम्मेदवारी दिएका छन् । वरिष्ठ उपाध्यक्ष, उपाध्यक्ष लगायत विभिन्न पदमा पनि प्रतिस्पर्धा हुने भएको छ । 
 
उम्मेदवार कति हुन्छन यो भने अझै एकिन भएको छैन । मंगलवार सांझ प्राविधिक कारणले केही मिनेट उम्मेदवारी दिने सर्भरमा समस्या आएको थियो । जसका कारण उम्मेदवारी  दिने क्रममा रोकावट आएको थियो । 

उम्मेदवारी दिन चाहने कोही पनि नछुटुन भन्ने उद्देश्यले निर्वाचन समितिले वुधवार केही घण्टाका लागि उम्मेदवारी दिन सक्ने व्यवस्था गर्न लागेको छ । सर्भरमा प्राविधिक समस्या आयो त्यही भएर वुधवार केही घण्टाका लागि उम्मेदवारी दिने समय खुला गरिने छ निर्वाचन समितिका एक सदश्यले हिमालयखवरलाई वताए ।

निर्वाचन समितिले मंगलवार सांझ पनि यस आशयको सुचना प्रेसित गरेको थियो ।  



- हिमालयखबर संवाददाता, न्युयोर्क

- हिमालयखबर संवाददाता, न्युयोर्क -

थप »

यो खबर पढेर तपाईलाई कस्तो महसुस भयो ?

प्रतिक्रिया